ମୁମ୍ୱାଇ : ସୁପର ଷ୍ଟାର ଅମିତାଭ ସୋଶାଲ ମିଡିଆରେ ସବୁବେଳେ ଆକ୍ଟିଭ ରହିଥାନ୍ତି ଓ ସେ ବିଭିନ୍ନ ପ୍ରସଙ୍ଗରେ ନିଜ ମତ ରଖିଥାନ୍ତି। ସେ ମଜାଳିଆ ଢଙ୍ଗରେ ନିଜ କଥାକୁ ଉପସ୍ଥାପନା କରୁଥିବାରୁ ତାଙ୍କ ଫ୍ୟାନ୍ମାନେ ବି ଏହାକୁ ଖୁବ ଲାଇକ୍ କରନ୍ତି।
ଗତ ଗୁରୁବାର ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ମ୍ୟାଚ ହେଉଥିବା ବେଳେ ହଠାତ ବର୍ଷା ହେବା କାରଣରୁ ଏହାକୁ ସ୍ଥଗିତ ରଖାଯାଇଛି। ଏହାକୁ ନେଇ କ୍ରିକେଟ ଫ୍ୟାନ୍ମାନେ ଖୁସି ନ ଥିବା ବେଳେ ଆଇସିସିକୁ ମଧ୍ୟ ଦୋଷ ଦେବାକୁ ପଛାଉ ନାହାନ୍ତି। ଖେଳ ବନ୍ଦ ହେବା ପଛରେ ଆଇସିସିର ହାତ ଥିବା ସେମାନେ କହିଛନ୍ତି । ହେଲେ ଅମିତାଭ ଏପରି ପରିବେଶକୁ ଟିକେ ହାଲକା କରିବାକୁ ଯାଇ ବିଶ୍ୱକପ୍ କ୍ରିକେଟକୁ ଭାରତ ସ୍ଥାନାନ୍ତର କରିଦେବା କଥା କହିଛନ୍ତି। କାରଣରେ ସେ କହିଛନ୍ତି, ଆମକୁ ବର୍ଷା ଦରକାର।
ଭାରତରେ ସବୁବେଳେ କମ୍ ବର୍ଷ ହେତୁ ମରୁଡି ପରିସ୍ଥିତି ସୃଷ୍ଟି ହେଉଛି। ଫଳରେ ଭଲ ଫସଲ ହୋଇ ନ ପାରି ଶେଷରେ ଚାଷୀ ଆତ୍ମହତ୍ୟା କରିବାକୁ ପଛାଉ ନାହିଁ। ଏପରି ସ୍ଥିତିରେ ବିଶ୍ୱକପ୍ ଚାଲୁଥିବା ବେଳେବାରମ୍ୱାର ବର୍ଷା ଯୋଗୁ ମ୍ୟାଚ ବାତିଲ ହେଉଥିବାରୁ ଏହାକୁ ଭାରତ ସ୍ଥାନାନ୍ତର କରିବାକୁ ବିକଳ୍ପ ଦେଇଛନ୍ତି ଅମିତାଭ।ଚଳିତ ଥର ବିଶ୍ୱକପ୍ରେ ବର୍ଷା ଯୋଗୁ ୩ ଥର ମ୍ୟାଚ ବାତିଲ ହୋଇ ସାରିଲାଣି। ୭ ଜୁନ୍ରେ ପାକିସ୍ତାନ ଓ ଶ୍ରୀଲଙ୍କା ମଧ୍ୟରେ ମ୍ୟାଚ ହୋଇପାରି ନ ଥିଲା। ଜୁନ ୧୧ରେ ବାଲାଂଦେଶ ଓ ଶ୍ରୀଲଙ୍କା ମଧ୍ୟରେ ହେବାକୁ ଥିବା ମ୍ୟାଚ ମଧ୍ୟ ବର୍ଷା ଯୋଗୁ ବାତିଲ ହୋଇଥିଲା। ୧୬ ଜୁନ୍ରେ ଭାରତ ନିଜ ପାରମ୍ପରିକ ପ୍ରତିଦ୍ୱନ୍ଦୀ ପାକିସ୍ଥାନକୁ ଭେଟିବ ।ଶେଷ ଥର ବିଗ୍ ବିଙ୍କୁ ‘ବଦଲା’ ଫିଲ୍ମରେ ଦେଖିବାକୁ ମିଳିଥିଲା। ଅମିତାଭଙ୍କ ଅପକମିଂ ଫିଲ୍ମ ହେଲା ‘ଝୁଣ୍ଡ’, ‘ତେରା ୟାର ହୁଁ ମେ’, ‘ବ୍ରହ୍ମାସ୍ତ୍ର’, ‘ଗୁଲାବୋ ସିତାବେ’ ଓ ‘ଚେହେରେ’ ଆଦି ସାମିଲ ଅଛି।
Comments are closed.