ଭୁବନେଶ୍ୱର: ଆସନ୍ତା ସେପ୍ଟେମ୍ବର ମାସ ୫ ତାରିଖ ସନ୍ଧ୍ୟାରେ ଭଞ୍ଜକଳା ମଣ୍ଡପରେ ମଞ୍ଚସ୍ଥ ହେବ ଭୀଷ୍ମ ସାହାଣୀଙ୍କର ପ୍ରସିଦ୍ଧ ନାଟକ ‘ମୁଆବଜେ’ର ଓଡ଼ିଆ ରୂପାନ୍ତର ‘କ୍ଷତିପୂରଣ’। ଅଗ୍ରଣୀ ନାଟ୍ୟାନୁଷ୍ଠାନ ଉତ୍ତର ପୁରୁଷ ଆୟୋଜିତ ନାଟ୍ୟ କର୍ମଶାଳା ‘ରଙ୍ଗଭାରତୀ-୧୨’ରେ ଯୋଗ ଦେଇଥିବା ନାଟ୍ୟ ପ୍ରଶିକ୍ଷାର୍ଥୀମାନଙ୍କୁ ନେଇ ଏହି ନାଟକ ମଞ୍ଚସ୍ଥ ହେବ।
ଏହାକୁ ଅନୁବାଦ କରିଛନ୍ତି କବି ଭାରତ ମାଝୀ। ନିର୍ଦ୍ଦେଶନା ଦେଇଛନ୍ତି ଯୁବ ନିର୍ଦ୍ଦେଶକ ଦେବଦତ୍ତ ପତି। ବ୍ୟଙ୍ଗାତ୍ମକ ଓ ସଙ୍ଗୀତମୟ ଏହି ନାଟକରେ ବ୍ୟବସ୍ଥା, ପ୍ରଶାସନ, ରାଜନୀତି ଓ ମାନବୀୟ ଚରିତ୍ର ଉପରେ ତୀକ୍ଷ୍ମ ଭାବରେ ଆଲୋକପାତ କରାଯାଇଛି। ଦେଢ଼ଘଣ୍ଟା ଅବଧିର ଏହି ନାଟକଟି ଦର୍ଶକଙ୍କୁ ଭରପୁର ମନୋରଞ୍ଜନ କରାଇବ ବୋଲି ବିଶ୍ୱାସ ପ୍ରକଟ କରିଛନ୍ତି ନିର୍ଦ୍ଦେଶକ ଦେବଦତ୍ତ ପତି।
Comments are closed.