ଅହମ୍ମଦାବାଦ: କଥାରେ ଅଛି ସମୟ ବଡ଼ ବଳବାନ। ସମୟ କେତେବେଳେ ବନ୍ଧୁତା ସୃଷ୍ଟି କରିଥାଏ ତ ଆଉ କେତେବଳେ ଶତ୍ରୁତା ସୃଷ୍ଟି କରିଥାଏ। ଜାଣନ୍ତୁ ଏମିତି ଏକ ଘଟଣା। ଦିନ ଥିଲା ୨ ଜଣ ପରମ ଶତ୍ରୁ ଥିଲେ। ଆଉ ଦୁଇଜଣଙ୍କ ଆଖିରେ ଜଳୁଥିଲା ପ୍ରତିହିଂସାର ନିଆଁ। ସୁଯୋଗ ମିଳିଲେ ଜୀବନ ନେବାକୁ ମଧ୍ୟ ପଛଘୁଞ୍ଚା ଦେଉ ନ ଥିଲେ। ଏପରି ଭୟାନକ ଚିତ୍ର ଦେଖିବାକୁ ମିଳିଥିଲା ୨୦୦୨ ମସିହାରେ ହୋଇଥିବା ଗୁଜୁରାଟ ଦଙ୍ଗା ସମୟରେ। ସେ ସମୟରେ ଗଣମାଧ୍ୟମର ଖୁବ ଭାଇରାଲ ହୋଇଥିଲା ଏକ ଚିତ୍ର। ଏ ଚିତ୍ରରେ ଥିବା ଦୁଇଜଣ ବ୍ୟକ୍ତି ହେଲେ ଅଶୋକ ପରମାର ଓ କୁତବୁଦ୍ଦିନ ଅନସାରୀ।
୨୦୦୨ ମସିହାରେ ଗୁଜୁରାଟରେ ହୋଇଥିଲା ଦଙ୍ଗା। ଯେଉଁଥିରେ ହିନ୍ଦୁ ଓ ମୁସଲିମ୍ ସମ୍ପ୍ରଦାୟ ମଧ୍ୟରେ ହୋଇଥିଲା ଦଙ୍ଗା। ଆଉ ଏହି ୨ଜଣ ବ୍ୟକ୍ତିଙ୍କ ମଧ୍ୟରେ ଘୃଣା, ରାଗ ସ୍ପଷ୍ଟ ଭାବେ ପ୍ରସ୍ପୁଟିତ ହେଉଥିଲା। ଜଣେ ମରଣାନ୍ତକ ଆକ୍ରମଣ ଲାଗି ପ୍ରସ୍ତୁତ ଥିବା ବେଳେ ଅନ୍ୟ ଜଣେ ହାତ ଯୋଡ଼ି ଜୀବନ ଭିକ୍ଷା କରୁଥିଲା। ସେତେବେଳେ ଏହି ୨ ବ୍ୟକ୍ତି ୨୦୦୨ ଦଙ୍ଗାର ଚେହେରା ପାଲଟି ଯାଇଥିଲେ। ଇତି ମଧ୍ୟରେ ସମୟ ବଦଳିଯାଇଛି। ଆଉ ପରିସ୍ଥିତିରେ ଆସିଛି ପରିବର୍ତ୍ତନ। ଆଉ ଏକତା ଶତ୍ରୁ ଥିବା ଶୋକ ପରମାର ଓ କୁତବୁଦ୍ଦିନ ଅନସାରୀ ପାଲଟିଯାଇଛନ୍ତି ପରମ ମିତ୍ର।
୧୭ ବର୍ଷ ତଳେ ଗୁଜୁରାଟ ଦଙ୍ଗା ସମୟରେ ଉତ୍ତୋଳିତ ଏକ ଫଟୋ ସାରା ବିଶ୍ୱରେ ଚାଞ୍ଚଲ୍ୟ ସୃଷ୍ଟି କରିଥିଲା। ଏହି ଫଟୋରେ ମୁଣ୍ଡରେ ଗେରୁଆ ରଙ୍ଗର ଏକ ପଟି ବାନ୍ଧି ହାତରେ ଏକ ଲୁହା ରଡ଼ ଧରି ଛିଡ଼ା ହୋଇଥିଲେ ଅଶୋକ। ଆଖିରେ ତାଙ୍କର ପ୍ରତିହିଂସାର ନିଆଁ ଜଳୁଥିବା ବେଳେ ପଛପଟେ ଜଳୁଥିଲା ଟାୟାର। ଅନ୍ୟପଟେ ହାତଯୋଡ଼ି ଲୁହ ଛଳଛଳ ଭରାରେ ଆଖିରେ ଜୀବନ ଭିକ୍ଷା କରୁଥିଲେ କୁତବୁଦ୍ଦିନ ଅନସାରୀ।
୨୦୧୨ ମସିହାରେ ଏକ ସାମାଜିକ ସଂଗଠନ ପକ୍ଷରୁ ଆୟୋଜିତ କାର୍ଯ୍ୟକ୍ରମରେ ଉଭୟ ପରସ୍ପରକୁ ଭେଟିବା ପରେ ଏବେ ଦୁଇ ଜଣ ଘନିଷ୍ଠ ବନ୍ଧୁ ପାଲଟିଛନ୍ତି। ଉଭୟ ଏବେ ଏକାଠି ହୋଇ ଭାଇଚାରାର ବାର୍ତ୍ତା ବାଣ୍ଟିଛନ୍ତି । ଅହମ୍ମଦାବାଦରେ ଅଶୋକ ପରମାର ନିଜ ଜୋତା ଦୋକାନ ଉଦ୍ଘାଟନ କରିବା ଅବସରରେ କୁତବୁଦ୍ଦିନ ଅନସାରୀଙ୍କୁ ଅତିଥି ଭାବେ ଡାକିଥିଲେ। ‘ଏକତା ଚପଲ ସପ୍’ ନାଁ ଦେଇଥିବା ଏହି ଦୋକାନରେ ଦେଖିବାକୁ ମିଳିଥିଲା ଭାଇଚାରର ଭାବ। ସାମ୍ପ୍ରଦାୟିକତା ବିରୋଧରେ ଏକାଠି ହୋଇ ଏକତାର ଉଦାହରଣ ସାଜିଛନ୍ତି ଏହି ୨ ଜଣ।
Comments are closed.