ଭୁବନେଶ୍ବର: କୌନବନେଗା କରୋଡ ପତି’ର ୧୧ତମ ସଂସ୍କରଣରେ ରାକେଶ ଶର୍ମା ୨୫ ଲକ୍ଷ ଟଙ୍କା ଜିତିଛନ୍ତି । ସେ ପୂର୍ବତନ ରାଷ୍ଟ୍ରପତି ଏପିଜେ ଅବଦୁଲ କଲାମଙ୍କ ସହିତ କାମ କରିଥିଲେ । ମାନବ ସମ୍ବଳ ବିକାଶ ମନ୍ତ୍ରାଳୟରେ ନିର୍ଦ୍ଦେଶକ ପଦରୁ ଅବସର ନେଇଥିଲେ । ସେ ୨୦୦୨ରୁ ୨୦୦୭ବର୍ଷ ପର୍ଯ୍ୟନ୍ତ ‘ଅଫିସର ଅନ ସ୍ପେଶାଲ ଡ୍ୟୁଟି ‘ଭାବରେ ପୂର୍ବତନ ରାଷ୍ଟ୍ରପତି ଅବଦୁଲ କଲାମଙ୍କ ସହିତ କାମ କରୁଥିଲେ । ରାକେଶ କହିଛନ୍ତି, କଲାମଙ୍କ ସହ କାମ କରି ବହୁତ କିଛି ଶିଖିବାକୁ ପାଇଛି ।
କୌଣସି ଇଫେଣ୍ଟ୍ରି ବାଟାଲିୟନ ଓ ବ୍ରିଗ୍ରେଡଙ୍କ ଦାୟିତ୍ୱ ନେଇଥିବା ଭାରତୀୟ ସେନାର ପ୍ରଥମ ଯୁଦ୍ଧ ଦିବ୍ୟାଙ୍ଗ ଅଧିକାରୀ କିଏ ଥିଲେ?ଏହା ୫୦ ଲକ୍ଷ ଟଙ୍କା ପାାଇଁ ପ୍ରଶ୍ନ ଥିଲା ,କିନ୍ତୁ ରାକେଶଙ୍କୁ ଏହି ପ୍ରଶ୍ନର ଉତ୍ତର ଜଣା ନଥିଲା ଓ ସେ ୨୫ ଲକ୍ଷ ଟଙ୍କା ପାଇବାରେ ସଫଳତା ଅର୍ଜନ କରିଥିଲେ । ରାକେଶ ଶର୍ମା କହିଥିଲେ, ମୁଁ ଯାହା ଶିଖିଛି ହଳେ-ଦୁଇହଳ କପଡ଼ା କମ ପିନ୍ଧିଲେ ଚଳିଯିବ କିନ୍ତୁ ଏହି ରାଶିରେ ଯଦି କିଛି ଲୋକଙ୍କୁ ସାହାଯ୍ୟ କରିବି, ତା’ ହେଲେ ସେମାନଙ୍କର ଜୀବନ ଶୈଳୀ ବଦଳିଯିବ ଓ ଏହି ଭାବନା ନେଇ ମୁଁ କେବିସିରେ ଅଂଶଗ୍ରହଣ କରିଥିଲି ।
ସେ, ଶୋ’ ଚାଲିଥିବା ସମୟରେ ବଲିଉଡ଼ର ମହାନାୟକ ଅମିତାଭ ବଚ୍ଚନଙ୍କୁ ଏକ ପୁସ୍ତକ ଉପହାର ଭାବରେ ଦେଇଥିଲେ । ସେ ପୁସ୍ତକଟି ପୂର୍ବତନ ରାଷ୍ଟ୍ରପତି ଅବଦୁଲ କଲାମଙ୍କ କବିତା ସଂଗ୍ରହ ପୁସ୍ତକ ଥିଲା ,ସେ ପୁସ୍ତକଟି ପାଇ ଅମିତାଭ ବଚ୍ଚନ ବହୁତ ଖୁସି ହୋଇଯାଇଥିଲେ ।
Comments are closed.