ଜଳେଶ୍ବର: ନୂଆ ଟ୍ରାଫିକ ନିୟମର ସୁଯୋଗ ନେଇ ମାତିଲେଣି ନକଲି ଏମଭିଆଇ। ଏମିତି ଏକ ସାଙ୍ଘାତିକ ଅଭିଯୋଗ ଆସିଛି ବାଲେଶ୍ୱର ଜଳେଶ୍ୱରରୁ। ଲକ୍ଷ୍ମଣନାଥ ତନଖି ଫାଟକରେ ରାଜ୍ୟ ବାହାରୁ ପର୍ଯ୍ୟଟକଙ୍କୁ ନେଇ ଆସିଥିବା ଏକ ବସକୁ ଅଟକାଇଥିଲେ ନକଲି ଏମଭିଆଇ। ନୂଆ ଟ୍ରାଫିକ ନିୟମରେ ଗାଡି କାଗଡପତ୍ର ଯାଞ୍ଚ କଡ଼ାକଡ଼ି ହୋଇଛି। ସେଥିପାଇଁ ଏମାନଙ୍କୁ ଅସଲି ଏମଭିଆଇ ଭାବି ପର୍ଯ୍ୟଟକ ବସଟି ଅଟକିଥିବାବେଳେ ଡ୍ରାଇଭର ଓ ମହିଳା ପର୍ଯ୍ୟଟକଙ୍କୁ ମାରଧର କରି ସେମାନଙ୍କଠାରୁ ସୁନା ଗହଣା ଓ ଟଙ୍କା ପଇସା ଲୁଟପାଟ କରିଥିଲେ ଏହି ନକଲି ଏମଭିଆଇ।
ପରେ ପର୍ଯ୍ୟଟକମାନେ ରାସ୍ତା ଅବରୋଧ କରିବାରୁ ଘଟଣାସ୍ଥଳରେ ପୋଲିସ ପହଞ୍ଚିଥିଲା। ଗୁରୁତର ପର୍ଯ୍ୟଟକମାନଙ୍କୁ ଜଳେଶ୍ୱର ହସ୍ପିଟାଲରେ ଭର୍ତି କରାଯାଇଥିଲା। ପର୍ଯ୍ୟଟକଙ୍କ ଅଭିଯୋଗ ଆଧାରରେ ପୋଲିସ ଛାନଭିନ୍ କରି ୫ଜଣ ନକଲି ଏମଭିଆଇଙ୍କୁ ଅଟକ ରଖିଥିବା ସୂଚନା ମିଳିଛି। ତେବେ ସବୁଠାରୁ ବଡକଥା ହେଉଛି ନୂଆ ଟ୍ରାଫିକ ନିୟମକୁ ନେଇ ଲୋକଙ୍କ ଭିତରେ କୋକୁଆ ଭୟ ସୃଷ୍ଟି ହୋଇିଥିବାବେଳେ ଏହାର ଫାଇଦା ଉଠାଇ ନକଲି ଏମଭିଆଇ ମାତିଛନ୍ତି।
Comments are closed.