ଭୁବନେଶ୍ବର: ଏୟାର ଇଣ୍ଡିଆ ବିମାନରେ ଲାଗିଲା ନିଆଁ। ଭୁବନେଶ୍ୱରରୁ ମୁମ୍ବାଇ ଯାଉଥିବା ଏୟାର ଇଣ୍ଡିଆ ବିମାନରେ ଏଭଳି ଅଘଟଣ ଘଟିଛି। ବିମାନର ବାମ ପାର୍ଶ୍ୱରେ ନିଆଁ ଲାଗିଥିଲା। ଫଳରେ ବିମାନକୁ ଛତିଶଗଡ଼ର ରାୟପୁର ବିମାନ ବନ୍ଦରରେ ଜରୁରୀ ଅବତରଣ କରିବାକୁ ପଡ଼ିଥିଲା। ନିଆଁ ଲାଗିବାର ନିର୍ଦ୍ଦିଷ୍ଟ କାରଣ ଏଯାଏଁ ଜଣାପଡ଼ିନଥିବା ବେଳେ ବିମାନରେ ଥିବା ୧୮୨ ଯାତ୍ରୀ ସୁରକ୍ଷିତ ଅଛନ୍ତି।
ନିର୍ଦ୍ଧାରିତ ସମୟଠାରୁ ବିଳମ୍ୱରେ ଭୁବନେଶ୍ୱର ବିମାନ ବନ୍ଦରରୁ ଏୟାର ଇଣ୍ଡିଆ ଯାତ୍ରା ଆରମ୍ଭ କରିଥିଲା। ତେବେ ହଠାତ ମଝି ଆକାଶରେ ବିମାନରେ ନିଆଁ ଲାଗିଥିଲା। ଜଣେ ଯାତ୍ରୀ ଦେଖି ଏୟାର ହୋଷ୍ଟେଜଙ୍କୁ କହିଥିଲେ। ତା’ପରେ ପାଇଲଟ୍ଙ୍କ ପାଖକୁ ଖବର ଦିଆଯାଇଥିଲା। ଏହା ପରେ ପାଇଲଟ ରାୟପୁର ବିମାନ ବନ୍ଦରରେ ବିମାନକୁ ଜରୁରି ଅବତରଣ କରାଯାଇଥିଲେ।
Comments are closed.