ନୂଆଦିଲ୍ଲୀ: ମହାରାଷ୍ଟ୍ର ରାଜନୀତିରେ ପୁଣି ଏକ ନୂଆ ମୋଡ଼। ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ କରିବା ପାଇଁ ରାଷ୍ଟ୍ରପତିଙ୍କ ନିକଟକୁ ସୁପାରିଶ କରିଛି କେନ୍ଦ୍ର କ୍ୟାବିନେଟ୍। ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ କ୍ୟାବିନେଟ୍ ବୈଠକ ବସିଥିଲା। ଏହି ବୈଠକରେ ରାଷ୍ଟ୍ରପତି ଶାସନ ଲାଗୁ କରିବା ପାଇଁ ନିଷ୍ପତ୍ତି ନିଆଯାଇଛି।
ମହାରାଷ୍ଟ୍ରରେ ବିଧାନସଭା ନିର୍ବଚନ ଶେଷ ହେବାର ୧୮ ଦିନ ପରେ ବି ସରକାର ଗଢ଼ିବା ନେଇ ଚିତ୍ର ଅସ୍ପଷ୍ଟ ରହିଛି। ବିଜେପି ଓ ଶିବସେନା ସରକାର ଗଢ଼ିପାରିନଥିବା ବେଳେ ଏବେ ଏନସିପିକୁ ସରକାର ଗଢ଼ିବା ପାଇଁ ରାଜ୍ୟପାଳ ଭଗତ ସିଂହ କୋଶିଆରିଙ୍କୁ ପ୍ରସ୍ତାବ ଦେଇଥିଲେ। ହେଲେ ଏନସିପି ମଧ୍ୟ ସରକାର ଗଢ଼ିବା ସ୍ଥିତିରେ ନାହିଁ ବୋଲି ଆକଳନ କରାଯାଉଛି। ଏସବୁ ସ୍ଥିତିକୁ ନଜରରେ ରଖି ଆଜି କେନ୍ଦ୍ର କ୍ୟାବିନେଟ୍ ରାଷ୍ଟ୍ରପତି ଶାସନ ପାଇଁ ସୁପାରିଶ କରିଛି।
Shiv Sena files petition in Supreme Court challenging Maharashtra Governor's decision to not extend the time given to the party to prove their ability to form government. Advocate Sunil Fernandez has filed the plea for Shiv Sena. pic.twitter.com/vVbZqCdtH5
— ANI (@ANI) November 12, 2019
ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ କେନ୍ଦ୍ର କ୍ୟାବିନେଟର ନିଷ୍ପତ୍ତି ପରେ ଶିବସେନା ସୁପ୍ରିମକୋର୍ଟଙ୍କ ଦ୍ବାରସ୍ଥ ହୋଇଛି। ରାଜ୍ୟପାଳଙ୍କ ସୁପାରିଶ ବିରୋଧରେ ସୁପ୍ରିମକୋର୍ଟ ଗଲା ଶିବସେନା। ସରକାର ଗଠନ ପାଇଁ ଆମକୁ କାହିଁକି ୨୪ ଘଣ୍ଟା ଦିଆଗଲା। ବିଜେପିକୁ ୪୮ ଘଣ୍ଟା, ଆମକୁ ୨୪ ଘଣ୍ଟା କଣ ପାଇଁ ଦିଆଗଲା କହି ସୁପ୍ରିମକୋର୍ଟର ଦ୍ବାରସ୍ଥ ହେଲା ଶିବସେନା।
ସୂଚନାଯୋଗ୍ୟ, ରବିବାର ବିଜେପି ରାଜ୍ୟପାଳଙ୍କୁ ଭେଟି ସରକାର ଗଢ଼ିବ ନାହିଁ ବୋଲି ସ୍ଥିର କରିଥିଲା। ଏହାପରେ ଶିବସେନାକୁ ଆମନ୍ତ୍ରଣ କରିଥିଲେ ରାଜ୍ୟପାଳ। ହେଲେ ସରକାର ଗଢ଼ିବା ପାଇଁ ଶିବସେନା ନିର୍ଦ୍ଧାରିତ ସମୟ ପରେ ଆହୁରି ୪୮ ଘଣ୍ଟା ସମୟ ମାଗିଥିଲା। ଏହାପରେ ରାଜ୍ୟପାଳ ଶିବସେନାର ପ୍ରସ୍ତାବକୁ ଖାରଜ କରି ଏନସିପିକୁ ସରକାର ଗଢ଼ିବା ପାଇଁ ଆମନ୍ତ୍ରଣ କରିଥିଲେ।
Comments are closed.