କେନ୍ଦୁଝର: କେନ୍ଦୁଝର ଜିଲ୍ଲା ଝୁମ୍ପୁରା ଥାନା ଅନ୍ତର୍ଗତ ଏ କାସିପାଳ ଜଙ୍ଗଲରେ ଦୁଇଟି ସ୍ଥାନରେ ଦୁଇଟି ମୃତଦେହ ପୋତା ଯାଇଥିବା ଜଣାପଡ଼ିଛି। ଛେଳି ଚରାଉ ଥିବାବେଳେ ଏହି ମୃତଦେହକୁ ଦେଖି ଗାଁରେ ଖବର ଦେଇଥିଲେ ଛେଳି ଚରାଳି।
ଗତ ଶୁକ୍ରବାର ଦିନ ପାଟବିଲା ଗ୍ରାମର ବୁଦ୍ଧଦେବ ମହାକୁଡ଼ ଓ ତାଙ୍କ ସ୍ତ୍ରୀ ମାଳତୀ ମହାକୁଡ଼ ହାଟକୁ ଚନା ବିକିବାକୁ ଯାଇ ଆଉ ଘରକୁ ଫେରି ନଥିଲେ। ବହୁ ଖୋଜା ଖୋଜି ପରେ ଗତକାଲି ମୃତ ବୃଦ୍ଧଦେବଙ୍କ ପୁଅ କାର୍ତିକା ମହାକୁଡ଼ ଘଟଣାସ୍ଥଳରେ ପହଞ୍ଚି ମାଟିତଳେ ମୃତଦେହ ପୋତାଯାଇଥିବା ଦେଖିଥିଲେ। ଏହାପରେ ସେ ପୋଲିସକୁ ଖବର ଦେଇଥିଲେ। ଆଜି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ମାଜିଷ୍ଟ୍ରେଟ୍ ପହଞ୍ଚିବା ପରେ ମାଟି ଖୋଳି ମୃତଦେହକୁ ଉଦ୍ଧାର କରାଯିବ। ହତ୍ୟାକାଣ୍ଡ ପଛରେ ଜମିଜମା ବିବାଦକୁ ନେଇ ଏହି ହତ୍ୟାକାଣ୍ଡ ହୋଇଥିବା ପରିବାର ଲୋକେ ସନ୍ଦେହ କରୁଛନ୍ତି।
Comments are closed.