ମୁମ୍ବାଇ: ମହାରାଷ୍ଟ୍ରରେ ସରକାର ଗଠନ ନେଇ ଆସ୍ତେ ଆସ୍ତେ ବାଟ ସଫା ହେବାରେ ଲାଗିଛି। ସରକାର ଗଠନକୁ ନେଇ ଲାଗି ରହିଥିବା କେଁ ଆସ୍ତେ ଆସ୍ତେ ସମାଧାନର ବାଟ ଫିଟାଉଛି। ହେଲେ ସରକାର ଗଠନକୁ ନେଇ ଏବେ ବି କେଁ ଲାଗି ରହିଛି। କାରଣ ଆସନ୍ତାକଲି ହେଉଛି ଗୁରୁତ୍ବପୂର୍ଣ୍ଣ ଦିନ। ଆସନ୍ତାକାଲି ଶିବସେନା, କଂଗ୍ରେସ ଓ ଏନସିପି ମଧ୍ୟରେ ହେବ ବୈଠକ। ତାପରେ ଯାଇ ନିଷ୍ପତ୍ତି ସାମ୍ନାକୁ ଆସିପାରେ। ଆଜି ଦିଲ୍ଲୀରେ କଂଗ୍ରେସର ଗୁରୁତ୍ୱପୂର୍ଣ୍ଣ ବୈଠକ ପରେ ଏଭଳି କିଛି ଆଭାସ ମିଳିଛି। ପାର୍ଟି ସୂତ୍ରରୁ ମିଳିଥିବା ସୂଚନା ମୁତାବକ କଂଗ୍ରେସ ଓ୍ବାର୍କିଂ କମିଟି ବୈଠକରେ ଶିବସେନା ସହ ମେଣ୍ଟକୁ ବରିଷ୍ଠ ନେତାମାନେ ଗ୍ରୀନ୍ ସିଗନାଲ୍ ଦେଇଛନ୍ତି। ସୋନିଆ ଗାନ୍ଧିଙ୍କ ଅଧ୍ୟକ୍ଷତାରେ ଏହି ବୈଠକ ଅନୁଷ୍ଠିତ ହୋଇଥିଲା
ଅନ୍ୟପଟେ ଆସନ୍ତାକାଲି ଦିନ ୩ଟାରେ ଉଦ୍ଧବ ଠାକରେଙ୍କ ସହ କଂଗ୍ରେସ ଓ ଏନସିପିର ବୈଠକ ଅନୁଷ୍ଠିତ ହେବ ଏଥିରେ ମୁଖ୍ୟମନ୍ତ୍ରୀ, ଉପ ମୁଖ୍ୟମନ୍ତ୍ରୀ ଏବଂ କ୍ୟାବିନେଟର ରୂପରେଖ ସଂପର୍କରେ ଆଲୋଚନା ହେବାର ଅଛି। ତେବେ ମହାରାଷ୍ଟ୍ରରେ ସ୍ଥିର ସରକାର ଗଠନ ଏବଂ ୫ ବର୍ଷର ସରକାର ଚାଲିବା ଭଳି ନିଷ୍ପତ୍ତି ହେବା ପରେ କଂଗ୍ରେସ ଆଗକୁ ଆସିଥିବା ଚର୍ଚ୍ଚା ହେଉଛି। ତେବେ ମହାରାଷ୍ଟ୍ରରେ ଏନସିପି ଅପେକ୍ଷା କଂଗ୍ରେସ ଶିବସେନାର ସରକାର ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ନେବ ବୋଲି ଜାତୀୟ ସ୍ତରରେ ଚର୍ଚ୍ଚା ହେଉଛି। ଏବେ ତିନି ଦଳ ମେଣ୍ଟ ସଂପର୍କରେ ଘୋଷଣା କରିବା ପରେ ସରକାର ଗଠନ ନେଇ ତାରିଖ ସ୍ପଷ୍ଟ ହେବ । ଚର୍ଚ୍ଚା ଅନୁସାରେ ରବିବାର କିମ୍ୱା ସୋମବାର ସରକାର ଗଠନ ହୋଇପାରେ । ମୁଖ୍ୟମନ୍ତ୍ରୀ ଭାବେ ଶପଥ ନେଇପାରନ୍ତି ଶିବସେନା ମୁଖ୍ୟ ଉଦ୍ଧବ ଠାକରେ।
Comments are closed.