କନ୍ୟା ୬ ଫୁଟ୍ କୁ ବର ୨ ଫୁଟ୍
ଓସ୍ଲୋ: କଥାରେ ଅଛି ଜୀବନସାଥୀ ଭଗବାନ ହିଁ ଧାର୍ଯ୍ୟ କରିଥାନ୍ତି। ସମ୍ପର୍କ ଗଢିବା ପାଇଁ ସମାନତା କିମ୍ବା ସୌନ୍ଦର୍ଯ୍ୟର ଆବଶ୍ୟକତା ନଥାଏ, ଏହି କଥାକୁ ପ୍ରମାଣ କରିଛନ୍ତି ପାକିସ୍ତାନର ଏକ ଦମ୍ପତ୍ତି। ଏହି ଦମ୍ପତ୍ତିଙ୍କ ବିବାହକୁ ନେଇ ଖୁବ୍ ଚର୍ଚ୍ଚ ଚାଲିଛି। ପାକିସ୍ତାନରେ ୬ ଫୁଟ୍ର କନ୍ୟା ଫୈଜିୟାଙ୍କର ୨ ଫୁଟ୍ର ବର ବୁରହାନ ଚିସ୍ତି ସହ ବିବାହ ହୋଇଛି। ନର୍ୱେର ରାଜଧାନୀ ଓସ୍ଲୋରେ ଏହି ବିବାହ ସମ୍ପର୍ଣ୍ଣ ହୋଇଛି।
ଆଶ୍ଚର୍ଯ୍ୟର କଥା ହେଉଛି ଏହା ଏକ ପ୍ରେମ ବିବାହ। ଏହି ବିବାହରେ ୧୩ଟି ଦେଶର ଅତିଥି ଯୋଗ ଦେଇଥିଲେ। ଚିସ୍ତି ଜଣେ ପୋଲିଓ ରୋଗୀ ଏବଂ ସେ ନର୍ୱେରେ ଅଭିନେତା ସଲମାନ ଖାନଙ୍କ ବିଙ୍ଗ୍ ହ୍ୟୁମାନ୍ କ୍ୟାମ୍ପେନର ପ୍ରତିନିଧିତ୍ୱ କରନ୍ତି। ୨୦୧୭ରେ ତାଙ୍କୁ ସର୍ବଶ୍ରେଷ୍ଠ ପ୍ରେରଣାଦାୟୀ ବ୍ୟକ୍ତିତ୍ୱ ସମ୍ମାନରେ ସମ୍ମାନିତ କରାଯାଇଥିଲା। ଫୈଜିୟା ପାକିସ୍ତାନର ପଞ୍ଜାବ ପ୍ରଦେଶର ବାସିନ୍ଦା।
Comments are closed.