ନକଲି ଜର୍ଦା କାରଖାନାରେ ଚଢ଼ଉ

ଭଦ୍ରକ: ଆଜି ଭଦ୍ରକ ମିର୍ଜାପୁର ଗ୍ରାମରେ ଠାବ ହୋଉଛି ଏକ ଭେଜାଲ ଜର୍ଦା ତିଆରି କାରଖାନା। ନକଲି ଜର୍ଦ୍ଦା ତିଆରି କରୁଥିବା ନେଇ ଅଭିଯୋଗ ଆସିବା ପରେ ଚଢ଼ଉ କରିଛି ପୁଲିସ୍ । ନାମୀ ଦାମୀ କମ୍ପାନୀ ନାଁ ଓ ଲେବଲ୍‌ରେ ଦୀର୍ଘ ଦିନ ଧରି ଏଠାରେ ନକଲି ଜର୍ଦ୍ଦା ତିଆରି କରାଯାଉଥିଲା। କାରଖାନା ମାଲିକ ଶେଖ୍‌ ବବୁଲଙ୍କୁ ପୁଲିସ ଗିରଫ କରିଛି ଏବଂ ଘଟଣାସ୍ଥଳରୁ ଆଉ ଜଣେ ଅଭୁଯୁକ୍ତ ଫେରାର ହୋଇଯାଇଛି । ଜର୍ଦା କାରଖାନାରୁ ପ୍ରାୟ ୧୫ ଲକ୍ଷ ଟଙ୍କାର ଭେଜାଲ ଜର୍ଦା ଜବତ କରାଯାଇଛି। ଏଥିସହ ସେଠାରେ ଥିବା ଜର୍ଦା ତିଆରି ମେସିନ୍‌, କେମିକାଲ୍‌, ବିଭିନ୍ନ ନାମୀଦାମୀ କମ୍ପାନିର ଡବା, ଜରି ଓ ମନୋଗ୍ରାମ ଆଦି ମଧ୍ୟ ଜବତ କରାଯାଇଛି।