ମୁମ୍ବାଇ : ବଲିଉଡ ଷ୍ଟାର ସଲମାନଖାଁ ନିଜ ଅଭିନୟର ଯାଦୁରେ ଅନେକ ଦର୍ଶକଙ୍କ ମନ କିଣିନେଇଛନ୍ତି । ତାଙ୍କୁ ଅନେକ ଲୋକ ଭାଇଜାନ୍ ବୋଲି ମଧ୍ୟ ଡାକନ୍ତି । ସଲମାନଙ୍କ ଅଭିନୀତ ସିନେମା ‘ଦବଙ୍ଗ ୩’ ରିଲିଜ ହେବା ପୂର୍ବରୁ ବିବାଦ ଘରରେ ପଡିଯାଇଛି । ସିନେମାଟି ଚଳିତ ବର୍ଷ ଡିସେମ୍ବର ୨୦ ତାରିଖରେ ରିଲିଜ ହୋଇଥାନ୍ତା । କିନ୍ତୁ ସିନେମାର ଟାଇଟଲ ସଙ୍ଗ ‘ହୁଡ୍ ହୁଡ୍ ଦବଙ୍ଗ’ ପାଇଁ ବିବାଦ ସୃଷ୍ଟି ହୋଇଛି ।ହିନ୍ଦୁ ଜନଜାଗୃତି ସମିତି ପକ୍ଷରୁ ଅଭିଯୋଗ ଆସିଛି ଗାତଟି ହିନ୍ଦୁମାନଙ୍କ ଧର୍ମୀୟ ଭାବନାକୁ ଆଘାତ ପହଞ୍ଚାଇଛି ।
ସମିତିର ମହାରାଷ୍ଟ୍ର ଓ ଉତ୍ତରାଖଣ୍ଡର ସଂଯୋଜକ ସୁନୀଲ୍ ଘଂୱାତ୍ କହିଛନ୍ତି, “ସିନେମାଟିର ଟାଇଟଲ୍ ସଙ୍ଗ୍ ‘ହୁଡ୍ ହୁଡ୍ ଦବଙ୍ଗ’ରେ କିଛି କଳାକାର ମୁନିଋଷି ବେଶରେ ସଲମାନଙ୍କ ସହ ଆପତ୍ତିଜନକ ଡ୍ୟାନ୍ସ କରୁଥିବା ଦେଖିବାକୁ ମିଳିଛି। ଏହାଦ୍ୱାରା ହିନ୍ଦୁମାନଙ୍କର ଧର୍ମୀୟ ଭାବନାକୁ ଆଘାତ ଲାଗିଛି। ଏପରି କରି ସଲ୍ମାନ୍ ମୁନିଋଷିମାନଙ୍କୁ ଅସମ୍ମାନ କରିଛନ୍ତି। ସେ କ’ଣ ମୁଲ୍ଲା-ମୌଲବି କିମ୍ବା ଫାଦର୍-ବିଶପଙ୍କୁ ଏଭଳି ଅସମ୍ମାନ କରିବାର ସାହସ କରିପାରିବେ? ତେଣୁ ଜନଜାଗୃତି ସମିତି ଏହି ସିନେମା ଉପରେ ରୋକ୍ ଲଗାଇବାକୁ ଦାବି କରିଛି।”
ଏହା ପୂର୍ବରୁ ଦବଙ୍ଗର ଦୁଇଟି ଯାକ ପାର୍ଟ ସୁପର୍ହିଟ୍ ହୋଇଥିଲା। ସିନେମାରେ ଅରବାଜ୍ ଖାନ୍ ଓ ସାଉଥ୍ ଷ୍ଟାର କିଚ୍ଚା ସୁଦୀପ ଏଥିରେ ନଜର ଆସିବେ। ଏହି ସିନେମା ଜରିଆରେ ଅଭିନେତା ମହେଶ ମଞ୍ଜରେକରଙ୍କ ଝିଅ ସାଇ ବଲିଉଡ୍ରେ ଡେବ୍ୟୁ କରିଛନ୍ତି। ସିନେମାଟିର ନିର୍ଦ୍ଦେଶନା ଦେଇଛନ୍ତି ସାଉଥ୍ ସୁପର୍ଷ୍ଟାର୍ ପ୍ରଭୁ ଦେବା।
Comments are closed.