ଆସୁଛି ଅମ୍ମାଙ୍କ ଜୀବନୀକୁ ନେଇ ୱେବ ସିରିଜ ‘କୁଇନ’

ମୁମ୍ବାଇ: ତାମିଲନାଡୁର ପୂର୍ବତନ ଦିଂବଗତ ମୁଖ୍ୟମନ୍ତ୍ରୀ ଜୟଲଳିତାଙ୍କ ଜୀବନୀ ଉପରେ ଆସୁଛି ଏକ ୱେବ ସିରିଜ। ଏହି ୱେବ ସିରିଜର ନାଁ ‘କୁଇନ ’ ଥିବା ବେଳେ ଏବେ ଏହି ୱେବ ସିରିଜକୁ ନେଇ ଚର୍ଚ୍ଚା ଆରମ୍ଭ ହୋଇଛି। ଏହି ୱେବ ସିରିଜରେ ଦେଖିବାକୁ ମିଳିବ ଜୟଲଳିତାଙ୍କ ଅଭିନୟରୁ ଆରମ୍ଭ କରି ତାଙ୍କ ରାଜନୌତିକ ଜୀବନଧାରା। ପ୍ରଥମ ଥର ପାଇଁ ଅମ୍ମାଙ୍କ ଜୀବନୀକୁ ଦର୍ଶକ ଛୋଟ ପରଦାରେ ଦେଖିବାକୁ ପାଇବେ। ଏହି ୱେବ ସିରିଜର ମୋଟ ୧୧ଟି ଏପିସୋଡ ପ୍ରସାରଣ କରାଯିବ।

ଏହି ୱେବ ସିରିଜରେ ଦକ୍ଷିଣ ଭାରତର ଲୋକପ୍ରିୟ ଅଭିନେତ୍ରୀ ରମୈୟା ମୁଖ୍ୟ ଭୂମିକାରେ ଅଭିନୟ କରୁଥିବା ବେଳେ ଜୟଲଳିତାଙ୍କ ଅଭିନୟ ଓ ରାଜନୀତି ଜୀବନକୁ ପରଦାରେ ନିଖୁଣଭାବେ ଉପସ୍ଥାପନ କରିଛନ୍ତି ରମୈୟା। ଟ୍ରେଲରରେ ଅମ୍ମାଙ୍କ ପିଲାଦିନଠୁ ଆରମ୍ଭ କରି ତାଙ୍କ ମୃତ୍ୟୁ ପର୍ଯ୍ୟନ୍ତ ଜୀବନୀକୁ ସ୍ଥାନ ଦିଆଯାଇଛି । ଗୌତମ ବାସୁଦେବ ମେନନ୍ ଓ ପ୍ରଶାଥ ମୁରଗସେନଙ୍କ ନିର୍ଦ୍ଦେଶନାରେ ପ୍ରସ୍ତୁତ ହୋଇଛି ଏହି ୱେବ ସିରିଜ କୁଇନ। ଡିସେମ୍ବର ୧୪ରୁ କୁଇନର ପ୍ରସାରଣ ଏମଏକ୍ସ ପ୍ଲେୟାରରେ ଆରମ୍ଭ ହେବାକୁ ଯାଉଛି। ତେଲୁଗୁ, ତାମିଲ, ହିନ୍ଦୀ ଓ ବଙ୍ଗଳା ଭାଷାରେ ୱେବ ସିରିଜର ପ୍ରସାରଣ କରାଯିବ। ଟ୍ରେଲର ରିଲିଜ ପରେ କୁଇନକୁ ନେଇ ବେଶ ଚର୍ଚ୍ଚା ଚାଲିଛି।