ପୋଲିସ୍ ହାତରେ ଧରା ପଡିଲା କୁଖ୍ୟାତ ଅପରାଧୀ
କଟକ: ଏନ୍କାଉଣ୍ଟରେ କାବୁ ହେଲା ଅପରାଧୀ । ନରାଜ ବଜାର ଅଞ୍ଚଳରେ ଚୌଦ୍ୱାର ପୁଲିସ୍ ଓ ସ୍ପେଶାଲ ସ୍କ୍ୱାଡର ଏନ୍କାଉଣ୍ଟରରେ କୁଖ୍ୟାତ ଡକାୟତ ସଚିନ୍ ପାଓ୍ୱାର ଓରଫ୍ ବବ୍ଲୁକୁ କାବୁ କରିଛି ପୋଲିସ। ବବୁଲ୍ର ଡାହାଣ ଗୋଡ଼ରେ ଗୁଳି ବାଜି ଥିବା ବେଳେ ତାକୁ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି। ଗତକାଲି ରାତି ପ୍ରାୟ ୩ଟା ବେଳେ ବବ୍ଲୁ ନରାଜ ବଜାର ଅଞ୍ଚଳର ଏକ ଘରେ ରହିଥିବା ନେଇ ଚୌଦ୍ୱାର ପୁଲିସ୍ ଖବର ପାଇଥିଲା। ଏହା ପରେ ଚୌଦ୍ୱାର ପୁଲିସ୍ ଓ ସ୍ପେଶାଲ ସ୍କ୍ୱାଡ୍ ସେଠାରେ ଚଢଉ କରିଥିଲେ। ଘଟଣାସ୍ଥଳରୁ ବବ୍ଲୁଙ୍କ ସହ ଥିବା ଦୁଇ ସହଯୋଗୀ ସେଠାରୁ ଖସି ଯିବାରେ ସକ୍ଷମ ହୋଇଥିଲେ ହେଲେ ପୁଲିସ୍ ବବ୍ଲୁକୁ ଘେରାବନ୍ଦୀ କରିବା ସହ ଆତ୍ମସମର୍ପଣ କରିବାକୁ କହିଥିଲା।
ବବ୍ଲୁ ଆତ୍ମସମର୍ପଣ ନ କରି ପୁଲିସ୍ ଉପରକୁ ଗୁଳି ଚଳାଇଥିଲା ଫଳରେ ପୁଲିସ୍ ତା’ ଉପକୁ ପାଲଟା ଗୁଳି ଚଳାଇଥିଲା। ଏଥିରେ ବବ୍ଲୁର ଡାହାଣ ଗୋଡରେ ଗୁଳି ବାଜିଥିଲା। ଏହି ଗୁଳିବିନିମୟରେ ଚୌଦ୍ୱାର ଥାନାର ୩ ପୁଲିସ୍ କର୍ମଚାରୀ ଆହତ ହୋଇଛନ୍ତି। ବବ୍ଲୁ ଠାରୁ ଗୋଟିଏ ବନ୍ଧକୁ ଜବତ କରାଯାଇଛି ଏବଂ ବବ୍ଲୁ ନାଁରେ ଏକାଧିକ ଅପରାଧୀକ ମାମଲା ରହିଛି। ସେ ଏକ ଡାକାୟତ ଗ୍ୟାଙ୍ଗ୍ର ମୁଖ୍ୟ ସଦସ୍ୟ ଥିବା ସହ ରାଜ୍ୟ ଓ ରାଜ୍ୟ ବାହାରେ ଏକାଧିକ ଲୁଟ୍, ରାହାଜାନି ଓ ଡକାୟତି ଘଟଣାରେ ତାର ସଂପୃକ୍ତି ରହିଛି। ଅନ୍ୟପକ୍ଷରେ ଗତକାଲି ଏକ ସୁନା ଦୋକାନରୁ ଲୁଟ୍ ଉଦ୍ୟମ ବେଳେ ସେହି ଗ୍ୟାଙ୍ଗର ୮ ଜଣ ସଦସ୍ୟଙ୍କୁ ଚୌଦ୍ୱାରା ପୁଲିସ୍ ଗିରଫ କରିଥିଲା।
Comments are closed.