ନୂଆଦିଲ୍ଲୀ: ଆଜି ଅପରାହ୍ନ ୩ଟା ସମୟରେ ରାଜଘାଟରେ ଶକ୍ତି ପ୍ରଦର୍ଶନ କରିବ କଂଗ୍ରେସ। ନାଗରିକତା ସଂଶୋଧନ ଆଇ ଏବଂ ଏନଆରସି ବିରୋଦ୍ଧରେ ପ୍ରତିବାଦ ପ୍ରଦର୍ଶନ କରିବ କଂଗ୍ରେସ। ଏଥିସହିତ ଏଥିରେ ଯୋଗ ଦେବାକୁ ରାହୁଳ ଗାନ୍ଧୀ ଓ ପ୍ରିୟଙ୍କା ଗାନ୍ଧୀ ଜନସାଧାରଣଙ୍କୁ ନିବେଦନ କରିଛନ୍ତି। ଏହି ପ୍ରତିବାଦସ୍ଥଳରେ ସମ୍ବିଧାନ ପାଠ କରାଯିବାର କାର୍ଯ୍ୟକ୍ରମ ରହିଛି।
ଟୁଇଟ୍ କରି ରାହୁଳ ଗାନ୍ଧୀ କହିଛନ୍ତି ଯେ, ଭାରତର ପ୍ରିୟ ଛାତ୍ର ଓ ଯୁବକ, କେବଳ ଭାରତୀୟ ବୋଲି ଅନୁଭବ କରିବା ଯଥେଷ୍ଟ ନୁହେଁ। ତୁମ୍ଭେମାନେ ଭାରତୀୟ ଏବଂ ଘୃଣା ଦ୍ୱାରା ଭାରତକୁ ଧ୍ୱଂସ କରାଇ ଦେବନାହିଁ ବୋଲି ଏଭଳି ଜଟିଳ ପରିସ୍ଥିତିରେ ଦେଖାଇ ଦେବାକୁ ପଡ଼ିବ। ମୋଦୀ-ଶାହା ଭାରତରେ ସୃଷ୍ଟି କରିଥିବା ଘୃଣା ଓ ହିଂସା ବିରୋଧରେ ପ୍ରତିବାଦ କରିବାକୁ ଆଜି ଅପରାହ୍ଣ ୩ଟାରେ ରାଜଘାଟ ଠାରେ ମୋ ସହିତ ଯୋଗ ଦିଅନ୍ତୁ।
Dear Students & Youth of 🇮🇳,
It’s not good enough just to feel 🇮🇳. At times like these it’s critical to show that you’re 🇮🇳 & won’t allow 🇮🇳 to be destroyed by hatred.
Join me today at 3 PM at Raj Ghat, to protest against the hate & violence unleashed on India by Modi-Shah.
— Rahul Gandhi (@RahulGandhi) December 23, 2019
କଂଗ୍ରେସର ସାଧାରଣ ସଚିବ ପ୍ରିୟଙ୍କା ଗାନ୍ଧୀ ଭଦ୍ରା ମଧ୍ୟ ଟୁଇଟ୍ କରି ଜନସାଧାରଣଙ୍କୁ ଆମନ୍ତ୍ରଣ କରିଛନ୍ତି। ସେ ଲେଖିଛନ୍ତି ଏ ଦେଶ ହେଉଛି ଏକ ସାମୂହିକ ବନ୍ଧନ, ସାମୂହିକ ସ୍ୱପ୍ନର ଦେଶ। ଶ୍ରମ ବଳରେ ଆମେ ଏ ଦେଶକୁ ବିକଶିତ କରିଛୁ। ଭାଗ ଭାଗ କରି ଶାସନ କରାଯିବା ରାଜନୀତିରୁ ଆମେ ଏ ଦେଶକୁ ରକ୍ଷା କରିବା। ଆସନ୍ତୁ, ଅପରାହ୍ଣ ୩ଟା ବେଳେ ରାଜଘାଟସ୍ଥିତ ବାପୁଙ୍କ ସ୍ମାରକୀରେ ଆମ ସହ ଯୋଗ ଦେଇ ସମ୍ବିଧାନ ପାଠ କରିବେ।
ये देश एक साझा रिश्ता है, साझा ख़्वाब है। इस मिट्टी को हमने मेहनतों के रंग से सींचा है। संविधान हमारी शक्ति है।
देश को फूट डालो और राज करो की राजनीति से बचाना है। आइए आज दोपहर 3 बजे से बापू की समाधि राजघाट पर मेरे साथ संविधान पाठ का हिस्सा बनिए।
— Priyanka Gandhi Vadra (@priyankagandhi) December 23, 2019
Comments are closed.