ଚର୍ଚ୍ଚରେ ୧୭୫ ଶିଶୁଙ୍କୁ ଯୌନ ଶୋଷଣ!
ମେକ୍ସିକୋସିଟି : ଚର୍ଚ୍ଚରେ ଶିଶୁଙ୍କୁ ପାଦ୍ରୀଙ୍କ ଯୌନ ଶୋଷଣ ଘଟଣା ଏବେ ସାମ୍ନାକୁ ଆସିଛି। ମେକ୍ସିକୋର ରୋମାନ୍ କ୍ୟାଥ୍ଲିକ ଚର୍ଚ୍ଚରେ ୧୭୫ ଜଣ ଶିଶୁଙ୍କୁ ଯୌନ ନିର୍ଯାତନା ଦିଆଯାଉଥିଲା। ଲିଜିଓନାରିଜ୍ ଅଫ୍ ଖ୍ରୀଷ୍ଟ ଚର୍ଚ୍ଚର ପ୍ରତିଷ୍ଠାତା ମାର୍ସିଆଲ୍ ମେସିଲ୍ ତାଙ୍କ ମୃତ୍ୟୁ ପୂର୍ବରୁ ୬୦ରୁ ଅଧିକ ଶିଶୁଙ୍କୁ ଯୌନ ଶୋଷଣ କରିଥିଲେ। ମେସିଲ୍ ୨୦୦୮ ରେ ମୃତ୍ୟୁବରଣ କରିତିଲେ। ୧୯୪୧ ମସିହାରୁ ଚର୍ଚ୍ଚରେ ଶିଶୁଙ୍କୁ ଯୌନ ଶୋଷଣ କରାଯାଇଥିଲା। ୧୯୪୧ରୁ ୨୦୧୯ ଡିସେମ୍ବର ୧୬ ତାରିଖ ମଧ୍ୟରେ ମୋଟ ୧୭୫ ଜଣ ଶିଶୁଙ୍କୁ ଯୌନ ଶୋଷଣ କରାଯାଇଛି ବୋଲି ଏଡ୍ୱାର୍ଡ ରବ୍ଲେସ ଗିଲ୍ ଏହି ତଥ୍ୟ ପ୍ରକାଶ କରିଛନ୍ତି। ଚର୍ଚ୍ଚରେ ଯୌନ ଶୋଷଣର ଶିକାର ହୋଇଥିବା ଶିଶୁମାନଙ୍କ ବୟସ ୧୧ରୁ ୧୬ ବର୍ଷ ବୟସ ହେବ ବୋଲି ଜଣାପଡିଛି।
Comments are closed.