ଭୁବନେଶ୍ବର: ସାରା ଦେଶରେ ଦରଦାମ ବୃଦ୍ଧି ସହ ମାନ୍ଦାବସ୍ଥା ସୃଷ୍ଟି ହୋଇଛି। ଏଥିପାଇଁ ଆସନ୍ତାକାଲି ଭାରତ ବନ୍ଦ ଡାକରା ଦେଇଛି କେନ୍ଦ୍ରୀୟ ଟ୍ରେଡ୍ ୟୁନିୟନ ସଂଘ। ଏହି ବନ୍ଦକୁ ସବୁଆଡୁ ସମର୍ଥନର ବାର୍ତ୍ତା ଆସୁଥିବା ବେଳେ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ମଧ୍ୟ ଏହାକୁ ସମର୍ଥନ କରିବା ସହିତ ଦେଶ ସାରା ବେରୋଜଗାରୀ ବଢ଼ିଛି ବୋଲି କହିଛନ୍ତି । କଂଗ୍ରେସ ମଧ୍ୟ ବନ୍ଦକୁ ସମର୍ଥନ ଘୋଷଣା କରିଛି।
ସୂଚନା ଅନୁସାରେ ଆସନ୍ତା ଜାନୁଆରୀ ୮ରେ କେନ୍ଦ୍ରୀୟ ଶ୍ରମିକ ସଂଘ ପକ୍ଷରୁ ଭାରତ ବନ୍ଦ ଡାକରା ଦିଆଯାଇଛି । ସରକାରଙ୍କ ଶ୍ରମିକ ବିରୋଧୀ ନୀତି ବିରୋଧରେ ଏହି ଆନେ୍ଦାଳନର ଡାକରା ଦିଆଯାଇଛି । ଦେଶର ପ୍ରମୁଖ ୧୦ ଶ୍ରମିକ ସଂଘ ମିଳିତ ଭାବେ ଭାରତ ବନ୍ଦରେ ସାମିଲ ହେବାକୁ ଆହ୍ୱାନ ଦେଇଥିଲେ । ପୂର୍ବରୁ ଏହି ବନ୍ଦ ଡାକରାକୁ ବନ୍ଦ କରିବା ପାଇଁ କେନ୍ଦ୍ର ଶ୍ରମ ମନ୍ତ୍ରୀ ଶ୍ରମିକ ସଂଘଗୁଡ଼ିକ ସହ ଆଲୋଚନା କରିଥିଲେ । ତେବେ ଏହା ଫଳପ୍ରଦ ହୋଇନଥିଲା ।
Comments are closed.