ପାଟଶାଢ଼ି କିଣିଲେ ମହାରାଜ କଂସ
![](https://www.odishalink.com/wp-content/uploads/2020/01/Maharaja-Kansa.jpg)
ବରଗଡ଼: ବରଗଡ଼ରେ ଜମୁଛି ବିଶ୍ବ ପ୍ରସିଦ୍ଧ ଧନୁଯାତ୍ରା। ଏଥିପାଇଁ ଚଳଚଞ୍ଚଳ ମଥୁରା। ଆଜି ମହାରାଜ କଂସ ତାଙ୍କ ପାତ୍ର ଓ ମନ୍ତ୍ରୀଙ୍କ ସହିତ ନଗର ଭ୍ରମଣ କରିଥିଲେ। ନଗର ଭ୍ରମଣ ସମୟରେ ଜାତୀୟ ହସ୍ତତନ୍ତ ମେଳା ପରିଦର୍ଶନ କରିଥିଲେ ମହାରାଜ କଂସ। ବିଭିନ୍ନ ପ୍ରକାର ପାଟ ଶାଢ଼ି ଦେଖି ମହାରାଣୀ ପଦ୍ମାବତୀଙ୍କ କଥା ତାଙ୍କର ମନେ ପଡ଼ିଥିଲା। ମହାରାଣୀଙ୍କୁ ଖୁସି କରିବାକୁ ତାଙ୍କ ପାଇଁ ପାଟଶାଢ଼ି କିଣିଛନ୍ତି ମହାରାଜ କଂସ।
ବିଶ୍ୱ ପ୍ରସିଦ୍ଧ ବରଗଡ ଧନୁଯାତ୍ରା ପାଇଁ କମ୍ପୁଛି ମଥୁରା। ମହାରାଜ କଂସଙ୍କ ରାଜୁତିରେ ଆତଯାତ ସମସ୍ତେ। ପରମଶତ୍ରୁ ଶ୍ରୀକୃଷ୍ଣଙ୍କୁ ମାରିବା ପାଇଁ କଂସ ମହାରାଜ ଆୟୋଜନ କରିଛନ୍ତି ଧନୁଯାତ୍ରା। ତେବେ ଆଜି ଭାରତ ବନ୍ଦ ଥିଲେ ବି ଏହି ଧନୁଯାତ୍ରାରେ କୌଣସି ପ୍ରଭାବ ପଡ଼ିନାହିଁ। କାହିଁକିନା ପଶ୍ଚିମ ଓଡ଼ିଶାର ବରଗଡ଼ର ଏହି ପ୍ରସିଦ୍ଧ ପର୍ବ ପାଇଁ କଂସଙ୍କ ଏହି ଧନୁଯାତ୍ରାକୁ ବନ୍ଦରୁ ବାଦ ଦିଆଯାଇଥିଲା।
ଫଳରେ ବରଗଡ଼ରେ ସ୍ୱାଭାବିକ୍ ଥିଲା ଜୀବନ ଯାତ୍ରା। ଦୋକାନ ବଜାର ଖୋଲାଥିଲା। ଆଉ ମହାରାଜ କଂସଙ୍କ ଦରବାର ବି ଚାଲିଥିଲା। ଆଉ ସେ ମଥୁରାରେ ରାଜ୍ ବି କରିଥିଲେ। ହାତୀରେ ସବାର ହୋଇ ନିଜ ପାରିଷଦ ବର୍ଗଙ୍କୁ ନେଇ କଂସ ମଥୁରାନଗରୀ ବୁଲିଥିଲେ। ଆଉ ଶାସନ ବି କରିଥିଲେ। ଏହା ହିଁ ହେଉଛି ଧନୁ ଯାତ୍ରାର ବିଶେଷତ୍ୱ।
Comments are closed.