ବଜେଟ୍‍ ପାଇଁ ଜନସାଧାରଣଙ୍କ ମତ ଲୋଡିଲେ ମୋଦି

ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୨୦-୨୧ କେନ୍ଦ୍ର ବଜେଟ୍‍ ପାଇଁ ଜନସାଧାରଣଙ୍କ ଠାରୁ ମତାମତ ଲୋଡିଛନ୍ତି ମୋଦି। ଟ୍ୱିଟ୍‍ କରି ମୋଦି କହିଛନ୍ତି ଜନସାଧାରଣ ଏଥିନିମନ୍ତେ ନିଜର ମତାମତ ଏବଂ ପରାମର୍ଶ Mygov.in ରେ ଦେଇପାରିବେ। ଏଥିସହ ସେ କହିଛନ୍ତି କେନ୍ଦ୍ରୀୟ ବଜେଟ୍‍ ହେଉଛି ୧୩୦ କୋଟି ଭାରତୀୟଙ୍କର ଆଶା ଓ ଆକାଂକ୍ଷା। ଏହା ଭାରତର ବିକାଶର ମାର୍ଗ ଦେଖାଇବ।

The Union Budget represents the aspirations of 130 crore Indians and lays out the path towards India’s development.

I invite you all to share your ideas and suggestions for this year’s Budget on MyGov. https://t.co/zVCL06TdLn

— Narendra Modi (@narendramodi) January 8, 2020

ପୂର୍ବରୁ କେନ୍ଦ୍ର ଅର୍ଥମନ୍ତ୍ରଣାଳୟ ପକ୍ଷରୁ ୨୦୨୦-୨୧ ଆର୍ଥିକ ବର୍ଷର ସାଧାରଣ ବଜେଟ୍‍ ଲାଗି କୃଷି, ଶିକ୍ଷା ସମେତ ଅନ୍ୟାନ୍ୟ କ୍ଷେତ୍ର ନିମନ୍ତେ ଜନସାଧାରଣଙ୍କ ନିକଟରୁ ମତାମତ ଲୋଡ଼ା ଯାଇଛି। କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ବିଭିନ୍ନ କ୍ଷେତ୍ରରେ କାର୍ଯ୍ୟ କରୁଥିବା ପ୍ରତିନିଧିଙ୍କ ସହିତ ଏଥିନିମନ୍ତେ ପ୍ରାକ୍‍ ବଜେଟ୍‍ ପରାମର୍ଶ କରିସାରିଛନ୍ତି। ଆସନ୍ତାମାସ ପ୍ରଥମ ସପ୍ତାହରେ ଏହି କେନ୍ଦ୍ରୀୟ ବଜେଟ ସଂସଦରେ ଉପସ୍ଥାପିତ ହେବ ବୋଲି ଆଶା କରାଯାଉଛି।