ବୃଦ୍ଧାଙ୍କୁ ମାରି ଜଗି ବସିଛି ଭାଲୁ

ନବରଙ୍ଗପୁର: ନବରଙ୍ଗପୁର ଜିଲ୍ଲା ନନ୍ଦାହାଣ୍ଡି ବ୍ଲକ ଅନ୍ତର୍ଗତ ସିନ୍ଧିଗୁଡା ଜଙ୍ଗଲରେ ଭାଲୁ ଆକ୍ରମଣରେ ଜଣେ ବୃଦ୍ଧାଙ୍କ ମୃତ୍ୟୁ ହୋଇଛି। ରକ୍ତମୁଖା ଭାଲୁ ବୃଦ୍ଧାଙ୍କୁ ମାରିବା ପରେ ଶବ ନିକଟରେ ଜଗି ବସିଥିବା ଜଣାଯାଇଛି। ଏହି ଖବର ପ୍ରଘଟ ହେବା ପରେ ଘଟଣାସ୍ଥଳରେ ପ୍ରବଳ ଜନସମାଗମ ହୋଇଥିଲେ ହେଁ ଭାଲୁ ଶବକୁ ଛାଡ଼ି ଯାଉନଥିବା ଜଣାପଡିଛି ।
ସୂଚନଯୋଗ୍ୟ ଯେ, ନନ୍ଦାହାଣ୍ଡି ବ୍ଲକ ଅନ୍ତର୍ଗତ ସିନ୍ଧିଗୁଡ଼ା ଗ୍ରାମର ଗୋରୀ ଅମନତ୍ୟ ତିନି ଦିନ ପୂର୍ବେ ସିନ୍ଧିଗୁଡ଼ା ଜଙ୍ଗଲକୁ କାଠ ସଂଗ୍ରହ ପାଇଁ ଯାଇଥିଲେ। ତେବେ ସନ୍ଧ୍ୟା ପୂର୍ବରୁ ଗୋରୀ ଆଉ ଘରକୁ ଫେରି ନ ଥିଲେ। ପରିବାର ଲୋକେ ବହୁ ଖୋଜାଖୋଜି କରିଥିଲେହେଁ ଗୋରୀଙ୍କ ସନ୍ଧାନ ମିଳିନଥିଲା। ଆଜି ସକାଳୁ ସିନ୍ଧିଗୁଡ଼ା ଜଙ୍ଗଲରେ ଏକ ଭାଲୁ ଲୋକଙ୍କ ନଜରକୁ ଆସିଥିଲା ।ଲୋକେ ଭାଲୁ ରହିଥିବା ସ୍ଥାନରେ ଏକ ଶବ ପଡ଼ିଥିବା ଦେଖି ପରିବାର ଲୋକଙ୍କୁ ଖବର ଦେଇଥିଲେ । ପରିବାର ଲୋକେ ଜଙ୍ଗଲକୁ ଯାଇ ଶବକୁ ଚିହ୍ନି ପାରିଥିଲେ ହେଁ ଭାଲୁ ଜଗି ରହିଥିବା କାରଣରୁ ଶବକୁ ଉଦ୍ଧାର କରିବାରେ ସକ୍ଷମ ହୋଇ ନ ଥିଲେ ।
Comments are closed.