ଓଲଟିଲା ଇନ୍ଧନ ଗ୍ୟାସ ଟ୍ୟାଙ୍କର

ଯାଜପୁର : ଆଜି ସକାଳେ ଯାଜପୁର ଜିଲ୍ଲା ୧୬ ନମ୍ବର ଜାତୀୟ ରାଜପଥ କଢେଇ ଛକ ନିକଟରେ ଏକ ଗ୍ୟାସ ଟ୍ୟାଙ୍କର ଓଲଟି ପଡ଼ିଛି। ଟ୍ୟାଙ୍କର ଓଲଟିବା ପରେ ଗ୍ୟାସ ଲିକ ହେଉଥିବା ଜଣାପଡ଼ିଛି। ଗ୍ୟାସ ଲିକ ରୋକିବା ପାଇଁ ବାଲେଶ୍ୱରରୁ ଏକ ସ୍ୱତନ୍ତ୍ର ଟିମ୍ ଆସୁଥିବା ନେଇ ଖବର ମିଳିଛି। ଗ୍ୟାସ ଲିକ ଖବର ପାଇ ଘଟଣାସ୍ଥଳରେ ଦମକଳବାହିନୀ ପହଞ୍ଚି ଘଟଣାର ଅନୁଧ୍ୟାନ ଆରମ୍ଭ କରିଛି। ଇନ୍ଧନ ଗ୍ୟାସ ଭର୍ତ୍ତି ଟ୍ୟାଙ୍କରଟି କଟକରୁ ବାଲେଶ୍ୱର ଯାଉଥିବା ସମୟରେ ଭାରସାମ୍ୟ ହରାଇ ଓଲଟି ପଡ଼ିଥିବା ନେଇ ସୂଚନା ମିଳିଛି।