ଭୁବନେଶ୍ବର : ବିଶିଷ୍ଟ ନାଟ୍ୟକାର ନାରାୟଣ ଚନ୍ଦ୍ର ରାୟ ମହାପାତ୍ର , ବରିଷ୍ଠ ସାମ୍ବାଦିକ ଓ ସାହିତ୍ୟିକ ସୂର୍ଯ୍ୟ ଦେଓ ଏବଂ ଯୁବ ଲେଖକ ତିଲେଶ୍ବର ରଣାଙ୍କୁ ଏଠାରେ ଆୟୋଜିତ ଏକ ବର୍ଣ୍ଣାଢ଼୍ୟ ସମାହାରରେ ତପସ୍ୟା ଫାଉଣ୍ଡେସନ ସାହିତ୍ୟ ପୁରସ୍କାର ୨୦୧୯ ପ୍ରଦାନ କରାଯାଇଛି ।
ସ୍ଥାନୀୟ ଉତ୍କଳ ଚାମ୍ବର ଅପ୍ କମର୍ସ ଆଣ୍ଡ ଇଣ୍ଡଷ୍ଟ୍ରି ପ୍ରେକ୍ଷାଳୟ ଅନୁଷ୍ଠିତ ସମାରୋହରେ ରାୟ ମହାରପାତ୍ରଙ୍କୁ ତପସ୍ୟା ଶାଶ୍ବତ ପୁରସ୍କାର -୨୦୨୯ , ଦେଓଙ୍କୁ ତପସ୍ୟା ସୃଜନ ପୁୁରସ୍କାର -୨୦୧୯, ଏବଂ ଯୁବ ଲେଖକ ରଣାଙ୍କୁ ତପସ୍ୟା ସମ୍ଭାବନା ପୁରସ୍କାର ୨୦୧୯ରେ ସମ୍ମାନ କରାଯାଇଥିଲା । ପୁସ୍କାର ବାବଦରେ ରାୟ ମହାପାତ୍ରଙ୍କୁ ୫୦,୦୦୦ଟଙ୍କା ଦେଓଙ୍କୁ ୩୦,୦୦୦ ଏବଂ ରଣାଙ୍କୁ ୨୦,୦୦୦ ଟଙ୍କା ପ୍ରଦାନ କରାଯାଇଛି ।
ଏହି ଉତ୍ସବରେ ବିଶିଷ୍ଟ ସମାଜସେବୀ , ରମନ୍ ମାଗାସେସେ ପୁରସ୍କାର ବିଜେତା ତଥା ଗୁଞ୍ଜର ପ୍ରତିଷ୍ଠାତା ଅଂଶ ଗୁପ୍ତା ଯୋଗଦେଇ ସାଧାରଣ ଲୋକଙ୍କ ସ୍ବର ଓ ବିଚାରବୋଧ ଶୀର୍ଷକ ଦ୍ବିତୀୟ ଡ଼ାକ୍ତର ବୈଦ୍ୟନାଥ ମିଶ୍ର ସ୍ମାରକୀ ବକୃତା ପ୍ରଦାନ କରିଥିବା ନେଟୱାର୍କ୧୮ ଡିଜିଟାଲର ସମ୍ପାଦକ, ବରିଷ୍ଠ ନିଦୀଶ ତ୍ୟାଗୀ ଆଦି ବକୃତା ଦେଇଥିଲେ ।
ତପସ୍ୟା ଫାଉଣ୍ଡେସନ ପକ୍ଷରୁ ମ୍ୟାନେଜିଂ ଟ୍ରଷ୍ଟି ଡକ୍ଟର ଜୁଲି ମିଶ୍ର ସ୍ବାଗତ ଭାଷଣ ଦେଇଥିବା ସମୟରେ ଡକ୍ଟର ହିରଣ୍ମୟୀ ମିଶ୍ର ଏବଂ ତପସ୍ୟା ଫାଉଣ୍ଡେନସର ପ୍ରତିଷ୍ଠାତା ତପନ ପଣ୍ଡା ଅତିଥୀଓ ପୁରସୃତ ଲେଖକମାନଙ୍କ ପରାଚୟ ପ୍ରଦାନ କରିଥିଲେ ।
Comments are closed.