ଆଜି ବିଜେପି ସଭାପତି ନିର୍ବାଚନ

ଭୁବନେଶ୍ବର: ଆଜି ରାଜ୍ୟ ବିଜେପିର ନୂଆ ସଭାପତି ନିର୍ବାଚନ ପାଇଁ ଦାଖଲ ହେବ ନାମାଙ୍କନ। ଏ ନେଇ ରାଜ୍ୟ ବିଜେପି ପକ୍ଷରୁ ସୂଚନା ମିଳିଛି। ବିଜେପିର ରାଷ୍ଟ୍ରୀୟ ନେତା ତଥା କେନ୍ଦ୍ରମନ୍ତ୍ରୀ ନରେନ୍ଦ୍ର ସିଂ ତୋମାର, ରାଜ୍ୟ ପ୍ରଭାରୀ ଡ. ଅରୁଣ ସିଂହ ଓ କେନ୍ଦ୍ରୀୟ ନେତା ସୈଦାନ ସିଂହ ଉପସ୍ଥିତିରେ ଆଶାୟୀ ପ୍ରାର୍ଥୀ ମାନେ ଅପରାହ୍ନ ୩ଟା ବେଳେ ନାମାଙ୍କନ ପତ୍ର ଦାଖଲ କରିବେ। ଏହାପରେ ୪ଟା ୩୦ରୁ ୫ଟା ମଧ୍ୟରେ ନାମାଙ୍କନ ଯାଞ୍ଚ କରାଯିବ। ଆବଶ୍ୟକ ହେଲେ ୧୭ ତାରିଖ ଦିନ ନିର୍ବାଚନ ହେବ ବୋଲି ସୂଚନା ଦିଆଯାଇଛି ହେଲେ ସହମତି ଭିତ୍ତିରେ ସଭାପତି ନିର୍ବାଚନ ପାଇଁ ଉଦ୍ୟମ ଚାଲିଥିବା ଜଣାପଡିଛି।

ବିଜେପିର ଦଳୀୟ କର୍ମୀଙ୍କ ମଧ୍ୟରେ ତିନିଜଣ ନୂଆ ମୁହଁଙ୍କ ନାମ ଶୁଣା ଯାଉଛି। ଏହି ଦୌଡ଼ରେ ରାଜ୍ୟ ଉପସଭାପତି ସମୀର ମହାନ୍ତି ଓ ରାଜ୍ୟ ସାଧାରଣ ସମ୍ପାଦକ ପୃଥ୍ବୀରାଜ ହରିଚନ୍ଦନଙ୍କ ନାମ ରହିଥିବାବେଳେ ଏହି ପ୍ରକ୍ରିୟାରେ ଭୁବନେଶ୍ବର ସାଂସଦ ଅପରାଜିତା ଷଡ଼ଙ୍ଗୀଙ୍କ ନାମ ମଧ୍ୟ ଶୁଣା ଯାଉଛି। ନାମାଙ୍କନ ପତ୍ର ଦାଖଲ ପରେ କିଏ ଦଳର ମୁଖିଆ ହେବ ତାହା ସ୍ପଷ୍ଟ ହେବ। ଆସନ୍ତା ୨୦ ତାରିଖରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷଙ୍କ ନିର୍ବାଚନ ହେବ। ତାପୂର୍ବରୁ ବିଭିନ୍ନ ରାଜ୍ୟର ଦଳୀୟ ସଭାପତିଙ୍କ ନିର୍ବାଚନ ଚାଲିଛି।