ମୁମ୍ବାଇ: ବଲିଉଡ ଅଭିନେତା ବିଗ୍ ବି ଜଣେ ବ୍ୟସ୍ତ ବହୁଳ ବ୍ୟକ୍ତିଙ୍କ ମଧ୍ୟରୁ ଜଣେ । ତାଙ୍କ ପାଖରେ ରହିଛି ଅନେକ ସିନେମାର ଅଫର । ୭୭ ବର୍ଷରେ ପଦାର୍ପଣ କରିଥିବା ଅମିତାଭ ସୋଶାଲ୍ ମିଡିଆରେ ମଧ୍ୟ ବହୁତ ଆକ୍ଟିଭ୍ ରହିଥାନ୍ତି । ଛଅ ଦିନ ତଳେ ସେ ଏକ ଭିଡିଓ ରିଟ୍ୱିଟ୍ କରିଥିଲେ। ଏହି ଭିଡିଓରେ ସେ ତାଙ୍କ ବାପା, ମା’ ଓ ପତ୍ନୀ ଜୟା ବଚ୍ଚନଙ୍କ ସହିତ ଅଛନ୍ତି । ଫଟୋଟି ଦୂରଦର୍ଶନ ଆର୍କାଇଭ୍ରୁ ନିଆଯାଇଛି।
such moments .. loved and lived again and again https://t.co/Pjwivg8gzf
— Amitabh Bachchan (@SrBachchan) January 11, 2020
ଏହି ଭିଡିଓରେ ଅମିତାଭ, ତାଙ୍କ ବାପା ହରିବଂଶ ରାୟ ବଚ୍ଚନ, ମା’ ତେଜି ବଚ୍ଚନ ଓ ପତ୍ନୀ ଜୟାଙ୍କ ସହିତ ବସି ଗପସପ କରୁଛନ୍ତି। ସେମାନେ ବେଶ୍ ଖୁସି ଜଣାପଡ଼ୁଛନ୍ତି। ଏହି ଭିଡିଓଙ୍କୁ ରିଟ୍ୱିଟ୍ କରି ଅମିତାଭ ଲେଖିଛନ୍ତି, ଏମିତି କିଛି ମୁହୂର୍ତ୍ତ… ଭଲ ପାଇଲି ଓ ଜିଇଁଲି।
ସୂଚନାଅନୁସାରେ , ୨୦୧୯ରେ ଅମିତାଭ ବଚ୍ଚନ ବଲିଉଡ୍ରେ ୫୦ ବର୍ଷ ପୂରଣ କରିଛନ୍ତି। ଗତବର୍ଷ ତାଙ୍କୁ ସିନେମା କ୍ଷେତ୍ରରେ ଦିଆଯାଉଥିବା ସର୍ବୋଚ୍ଚ ସମ୍ମାନ ‘ଦାଦା ସାହେବ ଫାଲ୍କେ ପୁରସ୍କାର’ ମଧ୍ୟ ପ୍ରଦାନ କରାଯାଇଥିଲା।
Comments are closed.