‘ହାଓଡୀ ମୋଦୀ’ ପରେ ‘ହାଓଡୀ ଟ୍ରମ୍ପ’ କାର୍ଯ୍ୟକ୍ରମ

ନୂଆଦିଲ୍ଲୀ: ଆସନ୍ତା ମାସରେ ଭାରତ ଗସ୍ତରେ ଆସିପାରନ୍ତି ଆମେରିକା ରାଷ୍ଟ୍ରପତି ଡୋନାଲଡ୍‌ ଟ୍ରମ୍ପ। ଏନେଇ ନିର୍ଦ୍ଦିଷ୍ଟ ତାରିଖ ଘୋଷଣା ହୋଇନାହିଁ କିନ୍ତୁ ଏହି ଗସ୍ତ ପାଇଁ ଯୋଜନା ଆରମ୍ଭ ହେଲାଣି। ଗତବର୍ଷ ସେପ୍ଟେମ୍ବରରେ ଆମେରିକାର ହଷ୍ଟନ ସହରରେ ହୋଇଥିବା ‘ହାଓଡୀ ମୋଦୀ’ ଭଳି ଗୁଜରାଟର ଅହମଦାବାଦରେ ‘ହାଓଡୀ ଟ୍ରମ୍ପ’ କାର୍ଯ୍ୟକ୍ରମ ଆୟୋଜନ ହେବ। ଏହି କାର୍ଯ୍ୟକ୍ରମରେ ଟ୍ରମ୍ପ ଯୋଗଦେଇ ଉଦବୋଧନ ଦେବେ। ‘ହାଓଡୀ ମୋଦୀ’କାର୍ଯ୍ୟକ୍ରମରେ ବହୁ ସଂଖ୍ୟକ ଭାରତୀୟ-ଆମେରିକୀୟ ସାମିଲ ହୋଇଥିବା ବେଳେ ଅହମଦାବାଦରେ ହେବାକୁ ଥିବା ଏହି କାର୍ଯ୍ୟକ୍ରମରେ ଗୁଜରାଟରେ ରହୁଥିବା ଆମେରିକୀୟ ନାଗରିକ ଯୋଗଦେବେ।

ସୂଚନା ମୁତାବକ, ଟ୍ରମ୍ପ ଆସନ୍ତା ମାସରେ ୩ ଦିନିଆ ଭାରତ ଗସ୍ତରେ ଆସିବେ। ଗସ୍ତ ସମୟରେ ସେ ଏକା ହିଁ ଭାରତ ଆସିବେ। ଗୁଜରାଟର ଅହମଦାବାଦ ଗସ୍ତ କରିବା ସହ ଟ୍ରମ୍ପ ସେଠାରେ ‘ହାଓଡୀ ମୋଦୀ’ ଭଳି ‘ହାଓଡୀ ଟ୍ରମ୍ପ’ କାର୍ଯ୍ୟକ୍ରମରେ ଉଦବୋଧନ ଦେବେ।