ନୂଆଦିଲ୍ଲୀ: ନାମାଙ୍କନ ଦାଖଲ କରିବା ପାଇଁ ରୋଡ ଶୋରେ ବାହାରିିଥିଲେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ। ହେଲେ କରିପାରିଲେନି ନାମାଙ୍କନ ଦାଖଲ। ରୋଡ୍ ଶୋ କାରଣରୁ ବିଳମ୍ୱ ହୋଇଯାଇଥିଲା। ନିର୍ଦ୍ଧାରିତ ସମୟ ୩ଟାରେ କେଜ୍ରିଓ୍ୱାଲ୍ ପହଞ୍ଚିପାରିନଥିଲେ ତେଣୁ ଆସନ୍ତାକାଲି କେଜ୍ରିଓ୍ୱାଲ ନାମାଙ୍କନ ପତ୍ର ଦାଖଲ କରିବେ।
ଆଜି ମଧ୍ୟାହ୍ନ ୧୨ଟା ବେଳେ ଅରବିନ୍ଦ କେଜ୍ରିଓ୍ୱାଲ ମା’ଙ୍କ ଆଶୀର୍ବାଦ ନେଇ ନାମାଙ୍କନ ଦାଖଲ କରିବାକୁ ଯାଉଥିଲେ। ରୋଡ୍ ଶୋକୁ ସମ୍ୱୋଧନ କରୁଥିବା ନିଜ ସମର୍ଥକମାନେ କେଜ୍ରିଓ୍ୱାଲଙ୍କୁ ଘେରିଯାଇଥିଲେ। ସମର୍ଥକଙ୍କୁ ଛାଡ଼ି ଯିବା ସମ୍ଭବ ନଥିଲା। ତେଣୁ ଆସନ୍ତାକାଲି ନାମାଙ୍କନ ପତ୍ର ଦାଖଲ କରିବେ ବୋଲି କେଜ୍ରିଓ୍ୱାଲ କହିଛନ୍ତି। ସୂଚନାଯୋଗ୍ୟ, ୭୦ ବିଧାନସଭା ଆସନ ପାଇଁ ପ୍ରାର୍ଥୀପତ୍ର ଦାଖଲ କରିବାର ଅନ୍ତିମ ତାରିଖ ମଙ୍ଗଳବାର ରହିଛି।
Comments are closed.