କଟକ: ବିଶ୍ୱସ୍ତରୀୟ ଅନୁଷ୍ଠାନ ହେବ କଟକ ବଡ ମେଡିକାଲ। କଟକସ୍ଥିତ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲକୁ ଏକ ବିଶ୍ବସ୍ତରୀୟ ଅନୁଷ୍ଠାନରେ ପରିଣତ କରାଯିବ। ଏସସିବିକୁ ବିଶ୍ୱସ୍ତରୀୟ କରିବାକୁ ଆରମ୍ଭ ହୋଇଛି ପ୍ରକ୍ରିୟା। ଏସସିବି ଦ୍ୱିତୀୟ କ୍ୟାମ୍ପସ ପାଇଁ କଟକ ହାଡିଆପଡାରେ ମୁଖ୍ୟମନ୍ତ୍ରୀ ପହଞ୍ଚି ପ୍ରସ୍ତାବିତ ପ୍ରକଳ୍ପ ନକ୍ସା ଦେଖିଛନ୍ତି। ଜିଲ୍ଲାପାଳ, ଜଳସଂପଦ ବିଭାଗ ସଚିବ ଓ ପୂର୍ତବିଭାଗ ସଚିବଙ୍କ ସମେତ ବହୁ ବରିଷ୍ଠ ଅଧିକାରୀ ଉପସ୍ଥିତ ରହି ପ୍ରସ୍ତାବିତ ଅଂଚଳର ନକ୍ସା ଅନୁଧ୍ୟାନ କରିଛନ୍ତି।
ସ୍ଥିତି ସମୀକ୍ଷା ପରେ କଟକ ବଡ ମେଡିକାଲ ତଥା କଟକବାସୀଙ୍କ ପାଇଁ ବଡ଼ ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାକୟ। ମୁଖ୍ୟମନ୍ତ୍ରୀ କହିଛନ୍ତି, ଏସସିିବି ଦ୍ୱିତୀୟ କ୍ୟାମ୍ପସ ନେଇ ଲୋକଙ୍କ ମତାମତ ନିଆଯିବ। ଏସସିବି ମେଡ଼ିକାଲ ନବନିର୍ମାଣ କାମ ମାର୍ଚ୍ଚରୁ ଆରମ୍ଭ ହେବ। ମହାନଦୀ ପଠାରେ ୪୨୪ ଏକର ଜମିରେ ବିଭିନ୍ନ ପ୍ରକଳ୍ପ ହେବ। କ୍ରୀଡ଼ା, ଶିକ୍ଷା, ସ୍ବାସ୍ଥ୍ୟ ଆଦି କ୍ଷେତ୍ରରେ ହେବ ପ୍ରକଳ୍ପ। ଏଥିରେ ପ୍ରଶସ୍ତ ରାସ୍ତା, ଉଦ୍ୟାନ, ସବୁଜିକରଣ ଓ ପାର୍କିଂକୁ ଗୁରୁତ୍ବ ଦିଆଯିବ। ରିଂ ରୋଡ୍ ୬ ଲେନ କରାଯିବ ବୋଲି ନବୀନ ପଟ୍ଟନାୟକ କହିଛନ୍ତି।
Comments are closed.