ବଲାଙ୍ଗୀର: ବଲାଙ୍ଗୀର ବ୍ଲକର କୁଡ଼ାସିଙ୍ଗା ଗାଁର ଜଣେ ବ୍ୟବସାୟୀଙ୍କ ଘରୁ ଡକାୟତି ହୋଇଛି। ଉଜ୍ଜ୍ୱଳ ସାହୁ ନାମକ ଜଣେ ବ୍ୟବସାୟୀଙ୍କ ଘରୁ ଦୁର୍ବୃତ୍ତମାନେ ଲକ୍ଷାଧିକଟଙ୍କାର ସୁନଗହଣା ସହ ଟଙ୍କା ଲୁଟ ହୋଇଥିବା ନେଇ ଆଜି ଅଭିଯୋଗ ହୋଇଛି। ଲୁଟେରାମାନେ ମାନେ ୩୦ ଭରି ସୁନା , ୪୦ ହଜାର ଟଙ୍କା ଲୁଟ କରିଥିବା ନେଇ ଅଭିଯୋଗ ହୋଇଛି। ଖବର ପାଇ ବିଳମ୍ବିତ ରାତିରେ ଦେଓଗାଁ ପୁଲିସ ଘଟଣାସ୍ଥଳରେ ପହଞ୍ଚିଥିବା ବେଳେ ଆଜି ସକାଳେ ବଲାଙ୍ଗୀର ଏସଡ଼ିପିଓ, ଡ଼ଗ ସ୍କାର୍ଡ଼, ସାଇଣ୍ଟିଫିକ ଟିମ ପହଞ୍ଚିଛନ୍ତି।
ଏହାସହ ଉଜ୍ଜ୍ୱଳଙ୍କ ଘର ସମ୍ମୁଖରେ ଥିବା ସିସିଟିଭି ଫୁଟେଜ ଯାଞ୍ଚ କରିବା ସହ ତଦନ୍ତ ଜାରି ରଖିଛନ୍ତି। ସୂଚନା ଯୋଗ୍ୟ, ପ୍ରାୟ ୧୩ ଜଣ ଦୁର୍ବୃତ୍ତ ଗୁରୁବାର ରାତି ପ୍ରାୟ ୧୧ଟା ୩୦ରେ ଉଜ୍ଜଳଙ୍କ ଘର ଭିତରକୁ ବିଭିନ୍ନ ମାରଣାସ୍ତ୍ର, ଠେଙ୍ଗା, ପିସ୍ତଲ ଆଦି ଧରି ପ୍ରବେଶ କରିଥିଲେ। ଉଜ୍ଜଳଙ୍କ ସହ ତାଙ୍କର ପରିବାରର ଅନ୍ୟ ଦୁଇ ଜଣଙ୍କୁ ଆକ୍ରମଣ କରିଥିଲେ। ସେମାନଙ୍କୁ ଗୁରୁତର ଅବସ୍ଥାରେ ମେଡ଼ିକାଲରେ ଭର୍ତ୍ତି କରାଯାଇଛି। ଅନ୍ୟ କିଛି ଦୁର୍ବୃତ୍ତ ଗାଁର ଅନ୍ୟ ଲୋକଙ୍କ ଘର ସମ୍ମୁଖରେ ଜଗି ରହି ସେମାନଙ୍କୁ ଭୟଭୀତ କରାଇଥିଲେ, ଯେପରି ସେମାନେ ଉଜ୍ଜ୍ୱଳଙ୍କ ପରିବାରକୁ ସାହାଯ୍ୟ ନକରିପାରିବେ।
Comments are closed.