ମୁମ୍ବାଇ : ବିଗବସ ୧୩ର ‘ୱିକେଣ୍ଡ କା ବାର୍’ କୁ ସବୁ ଦର୍ଶକ ଅପେକ୍ଷା କରିଥାନ୍ତି । ଏହି ସପ୍ତାହରେ ଅନେକ ଡ୍ରାମା ଓ କଳିଝଗଡ଼ା ଦେଖିବାକୁ ମିଳିଛି । ଏଥର ‘ୱିକେଣ୍ଡ କା ବାର୍’ ରେ ଜଣେ ପ୍ରତିଯୋଗୀ ଛାଡ଼ିବାକୁ ପଡ଼ିବ ।
ଘରୁ ବାହାରିବା ପାଇଁ ୭ ଜଣ ନୋମିନେଟ୍ ହୋଇଥିଲେ। ସେମାନେ ହେଲେ ମାହିରା ଶର୍ମା, ରଶ୍ମି ଦେଶାଇ, ଶେଫାଳି ଜରିୱାଲା, ବିଶାଲ ଆଦିତ୍ୟ ସିଂହ, ଅସୀମ ରିୟାଜ, ପାରସ ଛାବ୍ରା ଓ ଆରତୀ ସିଂହ ଥିଲେ। ସିଦ୍ଧାର୍ଥ ଶୁକ୍ଲା ଓ ଶେହେନାଜ୍ ଗିଲ୍ ଏକ ଟାସ୍କ ଜରିଆରେ ନୋମିନେଟ୍ ହେବାରୁ ବର୍ତ୍ତି ଯାଇଛନ୍ତି।
ସୂଚନା ଅନୁଯାୟୀ, ଏଥର ‘ୱିକେଣ୍ଡ କା ବାର୍’ରେ ୱାଇଲ୍ଡକାର୍ଡ୍ ପ୍ରତିଯୋଗୀ ଶେଫାଳି ଜରିୱାଲା ଘରୁ ବାହାରିଯିବେ। ତେବେ ଏ ନେଇ ବିଗ୍ବସ୍ ତରଫରୁ କୌଣସି ଅନୁଷ୍ଠାନିକ ଘୋଷଣା ହୋଇନାହିଁ। ତେବେ ସବୁଠୁ କମ୍ ଭୋଟ୍ ଶେଫାଲି ଜରିୱାଲାଙ୍କୁ ମିଳିଥିଲା।
ଶେଫାଳି ବିଗ୍ବସ୍ ଘରରେ ଜଣେ ଦମ୍ଦାର୍ ପ୍ରତିଯୋଗୀ ଥିଲେ। ସେ ସବୁବେଳେ ନିଜର ମତ ଖୋଲାଖୋଲି ରଖିଥା’ନ୍ତି। ଶୋ’ରେ ଏଣ୍ଟ୍ରି କଲାବେଳେ ସେ ସିଦ୍ଧାର୍ଥ ଶୁକ୍ଲାଙ୍କ ଗ୍ରୁପ୍ରେ ଥିଲେ। କିନ୍ତୁ ସେ ଅସୀମ ରିୟାଜ୍ ଓ ହିମାଂଶି ଖୁରାନାଙ୍କ ସହ ବେଶି ମିଶିବାକୁ ଲାଗିଥିଲେ। ହିମାଂଶି ଶୋ’ରୁ ଆଉଟ୍ ହେବା ପରେ ସେ ପୁଣିଥରେ ସିଦ୍ଧାର୍ଥ ଓ ପାରସ୍ଙ୍କ ଗ୍ରୁପ୍କୁ ଚାଲିଯାଇଥିଲେ।
Comments are closed.