କାମାକ୍ଷାନଗର: କାମାକ୍ଷାନଗର ପଶ୍ଚିମାଞ୍ଚଳ ରେଞ୍ଜ କନ୍ତିଓ କାଟେଣି ଗ୍ରାମ ନିକଟରୁ ଏକ ଛୁଆ ହାତୀର ମୃତଦେହ ଉଦ୍ଧାର କରାଯାଇଛି। ଖବର ପାଇ ବନବିଭାଗ ଘଟଣାସ୍ଥଳରେ ପହଞ୍ଚି ହାତୀର ମୃତଦେହକୁ ଜବତ କରିଛି।
ସୂଚନା ଅନୁସାରେ ଆଜି ସକାଳେ ଗ୍ରାମବାସୀମାନେ ଗ୍ରାମ ନିକଟରେ ଥିବା ଗୁଡିଆ ନାଳ ପାଖରେ ହାତୀ ଛୁଆଟି ମରିପଡିଥିବାର ଦେଖିବାକୁ ପାଇଥିଲେ। ମୃତ ଛୁଆ ହାତୀର ବୟସ ପ୍ରାୟ ୧ମାସ ବୋଲି ଅନୁମାନ କରାଯାଉଛି। ହାତୀଟିର ବାମ କାନ, ପେଟ ଓ ପଛପାଖରେ ସଂକ୍ରମଣ ହୋଇଯାଇଛି। ଯାହା ଫଳରେ ହାତୀଟି ଚାଲିବୁଲି ପାରୁନଥିବା ଆଶଙ୍କା କରାଯାଉଛି। ହାତୀଟି ଦୂର୍ବଳ ହୋଇଯାଇଥିବାରୁ ଏକ ଛୋଟ ନାଳରେ ପଡିଯିବା କାରଣରୁ ସେଠାରୁ ସେ ଉଠି ପାରିନଥିଲା। ବହୁ ସମୟ ପରେ ନାଳରୁ ବନ ବିଭାଗର କର୍ମଚାରି ପହଞ୍ଚି ହାତୀକୁ ଉଠାଇବା ପରେ ସେଠାରେ ତାର ମୃତ୍ୟୁ ହୋଇଥିଲା। ଖବର ପାଇ ଘଟଣା ସ୍ଥଳରେ ରେଞ୍ଜର ବିଭୂଦାନନ୍ଦ ମିଶ୍ର ପହଞ୍ଚି ମୃତ ହାତୀର ବ୍ୟବଛେଦ କରିବା ପୋତି ଦେଇଛନ୍ତି।
Comments are closed.