ନିର୍ଭୟା ମାମଲା: ଆଜି ଦୋଷୀ ଅକ୍ଷୟର ଶୁଣାଣି

ନୂଆଦିଲ୍ଲୀ: ଆଜି ସୁପ୍ରିମକୋର୍ଟରେ ନିର୍ଭୟା ଦୋଷୀ ଅକ୍ଷୟର ଶୁଣାଣି ହେବ। ସୁପ୍ରିମକୋର୍ଟରେ କ୍ୟୁରେଟିଭ ପିଟିସନ ଦାଖଲ କରିଥିବା ନିର୍ଭୟା ଗଣଦୁଷ୍କର୍ମ ଓ ହତ୍ୟା ମାମଲାର ଦୋଷୀ ଅକ୍ଷୟ ଠାକୁରର ଶୁଣାଣି ଆଜି ହେବ। ଆଜି ସୁପ୍ରିମକୋର୍ଟର ୫ ଜଣିଆ ଖଣ୍ଡପୀଠ ଦିନ ୧ଟା ବେଳେ ଏହି କ୍ୟୁରେଟିଭ ପିଟିସନର ଶୁଣାଣି କରିବେ। ଏହି ଖଣ୍ଡପୀଠର ନେତୃତ୍ୱ ନେବେ ଏନଭି ରମନ୍ନା।

ଏହାପୂର୍ବରୁ ନିର୍ଭୟା ଦୋଷୀ ମୁକେଶ ଓ ବିନୟ ଶର୍ମା ସୁପ୍ରିମକୋର୍ଟରେ କ୍ୟୁରେଟିଭ ପିଟିସନ ଦାଖଲ କରି ନିରାଶ ହୋଇଥିଲେ। ରାଷ୍ଟ୍ରପତି ଅନ୍ୟତମ ଦୋଷୀ ମୁକେଶର ରାଜକ୍ଷମା ଆବେଦନକୁ ଖାରଜ କରିଥିବାରୁ ସେ ଏହାକୁ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଥିଲା। ହେଲେ ଗତକାଲି କୋର୍ଟ ଏହି ଆବେଦନକୁ ଖାରଜ କରିଦେଇଥିଲେ।

2012 Delhi gang-rape case: Supreme Court's five-judge bench, headed by Justice NV Ramana, to hear today the curative petition of one of the convicts, Akshay seeking commutation of his death sentence to life imprisonment. pic.twitter.com/nnxQeigoSW

— ANI (@ANI) January 30, 2020

ଫେବୃଆରୀ ୧ ସକାଳ ୬ଟାରେ ଫାଶୀ ପାଇଁ କୋର୍ଟ ସାନି ଡେଥ ୱାରେଣ୍ଟ ଜାରି କରିଥିଲେ। ହେଲେ ଦୋଷୀମାନେ ଫାଶୀରୁ ବର୍ତ୍ତିବା ପାଇଁ ନୂଆ ନୂଆ ବାଟ ଆପଣାଉଛନ୍ତି। ତେବେ ଆଜି ସୁପ୍ରିମକୋର୍ଟଙ୍କ ଶୁଣାଣି ଉପରେ ରହିବ ସମସ୍ତଙ୍କ ନଜର।