‘ନୀତି ଆୟୋଗ’ ଢ଼ାଞ୍ଚାରେ ଗଠନ ହେବ ‘ରାଜ୍ୟ ଯୋଜନା ବୋର୍ଡ’

ଭୁବନେଶ୍ବର: ବଦଳିବ ରାଜ୍ୟ ଯୋଜନା ବୋର୍ଡର ରୂପରେଖ। ‘ନୀତି ଆୟୋଗ’ ଢ଼ାଞ୍ଚାରେ ଗଠନ ହେବ ଯୋଜନା ବୋର୍ଡର ରୂପରେଖ। ଏହି ପୁନର୍ଗଠନ କାମ ପୂର୍ଣ୍ଣାଙ୍ଗ ପର୍ଯ୍ୟାୟରେ ପହଞ୍ଚି ଯାଇଛି। ଖୁବ୍‌ଶୀଘ୍ର ଏ ନେଇ ଚୂଡ଼ାନ୍ତ ନିଷ୍ପତ୍ତି ନିଆଯିବ ବୋଲି ମନ୍ତ୍ରୀ ପଦ୍ମନାଭ ବେହେରା ସୂଚନା ଦେଇଛନ୍ତି। ସେ କହିଛନ୍ତି ଯେ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପାଖକୁ ଏ ନେଇ ପ୍ରସ୍ତାବ ଯାଇଛି। ଏବେ କେବଳ ମୁଖ୍ୟମନ୍ତ୍ରୀଙ୍କ ପାଖରୁ ନିର୍ଦ୍ଦେଶର ଅପେକ୍ଷା। ଏହି ପୁନର୍ଗଠନ ପାଇଁ ଅନ୍ୟ ରାଜ୍ୟର ଯୋଜନା ବୋର୍ଡକୁ ମଧ୍ୟ ଅନୁଧ୍ୟାନ କରାଯାଇଥିଲା। ବିଶେଷ ଭାବେ ପୁର୍ନଗଠନ ସମୟରେ କେରଳ ମଡେଲକୁ ଅଧିକ ଗୁୁରୁତ୍ୱ ଦିଆଯାଇଛି।