ଭୁବନେଶ୍ବର : ଓଡ଼ିଆ ସିନେଜଗତରେ ଯୁବ ନିର୍ଦେଶକ ଭାବରେ ପରିଚୟ ସୃଷ୍ଟି କରି ସାରିଛନ୍ତି ଆପୁ କାନୁନଗୋ । ତାଙ୍କ ନିର୍ଦ୍ଦେଶିତ ସିନେମା ‘ସାତସୂରେ ବନ୍ଧା ଏ ଜୀବନ’ ଏବଂ ‘ଡାଡି –ଦ ଲିଭିଂ ଗଡ୍’ ଦର୍ଶକଙ୍କୁ ବେଶ ଭଲ ଲାଗିଥିଲା ।
କିଛି ଦିନର ବ୍ୟବଧାନ ପରେ ପୁଣି ଏକ ନୂଆ ଓଡ଼ିଆ ସିନେମା ନିର୍ମାଣ କରୁଥିବା ଜଣାଯାଇଛି। ସେ ତାଙ୍କ ସିନେମା ପାଇଁ ଅମ୍ଳାନଙ୍କୁ ବାଛିଛନ୍ତି । ସିନେମାର ନାଁ ହେଲା ‘ମାମା ୱେଡସ ପାପା’ । ତାଙ୍କ ନିର୍ଦ୍ଦେଶିତ ସିନେମା ‘ସାତସୂରେ ବନ୍ଧା ଏ ଜୀବନ’ ରେ ଅନୁଭବ ଏବଂ ସୁନୀଲ କୁମାର ଏବଂ ‘ଡାଡି –ଦ ଲିଭିଂ ଗଡ୍’ରେ ଅରିନ୍ଦମଙ୍କୁ ନାୟକ ଭୂମିକାରେ ନେଇଥିଲେ ।
ସିନେମାଟି ଏକ ସତ୍ୟ ଘଟଣାକୁ ନେଇ ଆଧାରିତ ହୋଇଛି । ଶ୍ରେୟାନ୍ ସିନେ କ୍ରିଏସନ୍ ଦ୍ୱାରା ନିର୍ମାଣ ହେବ ଏହି ଫ୍ୟାମିଲି ଡ୍ରାମା ସିନେମା । ବହୁ ଦିନ ପରେ କମେଡିଆନ ପପୁ ପମପମ୍ ବି ଏଥିରେ ନଜର ଆସିବେ। ଏହି ସିନେମାରେ କୁନି ପୁଅଟିଏ ବାପା ଓ ମାଙ୍କ ବାହାଘର କିଭଳି ଯୋଜନା କରେ ଏବଂ ସେଥିରେ ସଫଳ ହୁଏ, ତାହା ଦେଖିବାକୁ ମିଳିବ।
Comments are closed.