ନିଆଁରେ ଜଳିଗଲା ୬ ବଖରା, ମହିଳା ଜୀବନ୍ତ ଦଗ୍ଧ

ଚାନ୍ଦବାଲି : ଭଦ୍ରକ ଜିଲ୍ଲା ବାଁସଡ଼ା ଥାନା ଚରଦିଆ ଗାଁରେ ଗ୍ୟାସରୁ ନିଆଁ ଲାଗି ୬ ବଖରା ଘର ଜଳି ପାଉଁଶ ହୋଇଯାଇଥିବା ବେଳେ ଜଣେ ମହିଳା ଜୀବନ୍ତ ଦଗ୍ଧ ହୋଇଯାଇଛନ୍ତି। ଅଗ୍ନିକାଣ୍ଡରେ ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ ହୋଇଯାଇଛି। ଜୀବନ୍ତ ଦଗ୍ଧ ହୋଇଯାଇଥିବା ମହିଳାଙ୍କ ନାଁ ପୂର୍ଣ୍ଣିମା ମହାଳିକ।

ସୂଚନା ଅନୁଯାୟୀ, ଆଜି ସକାଳେ ପୂର୍ଣ୍ଣିମା ରୋଷେଇ କରୁଥିବା ବେଳେ ଗ୍ୟାସ ଲିକ୍ ହୋଇ ନିଆଁ ଲାଗିଯାଇଥିଲା। ଚାଳଛପର ଘର ହୋଇଥିବାରୁ ନିଆଁ ଦ୍ରୁତ ଗତିରେ ବ୍ୟାପୀଥିଲା। ଫଳରେ ସେ ଘରୁ ବାହାରି ପାରି ନଥିଲେ। ସେହିଠାରେ ହିଁ ଜୀବନ୍ତ ଦଗ୍ଧ ହୋଇଯାଇଥିଲେ। ଏଥିସହ ନିଆଁ ଆଖପାଖ ଘରକୁ ମଧ୍ୟ ବ୍ୟାପୀ ଯାଇଥିଲା। ଗାଁ ଲୋକେ ସଙ୍ଗେ ସଙ୍ଗେ ନିଆଁକୁ ଆୟତ୍ତ କରିବାକୁ ଚେଷ୍ଟା କରିଥିଲେ ହେଲେ ନିଆଁକୁ ଆୟତ୍ତ କରିପାରି ନଥିଲେ। ପରେ ଚାନ୍ଦବାଲି ଦମକଳ ବାହିନୀକୁ ପହଁଞ୍ଚି ନିଆଁକୁ ଆୟତ୍ତ କରିଥିଲେ।