ରାୟଗଡ଼ା: ରାୟଗଡା ଜିଲ୍ଲା କାଶୀପୁର ବ୍ଲକ ଅଣ୍ଡିରାକଞ୍ଚ ଥାନା ଅନ୍ତର୍ଗତ କୋଡିପାରି ଏବଂ ରତଛୁଆଁ ଗ୍ରାମର ମଧ୍ୟସ୍ଥ ରାସ୍ତା ନିକଟରେ ଆଜି ଏକ ଟ୍ରାକ୍ଟର ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଫଳରେ ଟ୍ରାକ୍ଟରରେ ବସିଥିବା ପ୍ରାୟ ୨୦ଜଣ ଲୋକେ ଆହାତ ହୋଇଥିବା ବେଳେ ସେମାନଙ୍କ ମଧ୍ୟରୁ ଅନେକଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି। ଆହାତ ମାନଙ୍କୁ ପ୍ରଥମେ ନୂଆପଡା ଏବଂ ଉସାପଡା ମେଡିକାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା। କେତେକଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ କୋରାପୁଟ ସହିଦ ଲକ୍ଷ୍ମଣ ନାଏକ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି। ଖବର ପାଇ ଘଟଣାସ୍ଥଳରେ ଅଣ୍ଡିରାକଞ୍ଚଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି।
ମିଳିଥିବା ସୂଚନା ଅନୁସାରେ, ଗତକାଲି ମହାଶିବରାତ୍ରୀ ଉପଲକ୍ଷେ ଶୀଳାଫାସ ଗ୍ରାମର ଲୋକେ କୋଡିପାରି ଗ୍ରାମରେ ନାଟ ପରିବେଶଣ ପାଇଁ ଆସିଥିଲେ। କୋଡିପାରି ଗ୍ରାମରେ ଆଜି ସକାଳୁ ନାଟ ସରିବା ପରେ ନାଟ ମଞ୍ଚ ଓ ଲୋକମାନେ ଏକ ଟ୍ରାକ୍ଟର ଯୋଗେ ନିଜ ଗ୍ରାମ ଶୀଳାଫାସ ଗ୍ରାମକୁ ଫେରୁଥିଲେ। ସେହି ସମୟରେ ଟ୍ରାକ୍ଟର ଭାରସାମ୍ୟ ହରାଇ ରାସ୍ତାରେ ଓଲଟି ପଡିଥିଲା। ଏହାପରେ ସ୍ଥାନୀୟଲୋକେ ପୁଲିସ ଓ ଆମ୍ବୁଲାନ୍ସକୁ ଘଟଣା ସମ୍ପର୍କରେ ଜଣାଇଥିଲେ।
Comments are closed.