ଢାକା: ବାଂଲାଦେଶରେ ବାଂଲାଦେଶର ପ୍ରତିଷ୍ଠାତା ଶେଖ ମୁଜିବୁର୍ ରେହମାନଙ୍କ ୧୦୦ତମ ଜୟନ୍ତୀ ପାଳନ କରାଯିବ। ଏହି ଅବସରରେ ବାଂଲାଦେଶ କ୍ରିକେଟ୍ ବୋର୍ଡ (ବିସିବି) ଏସିଆ ଏକାଦଶ ଓ ବିଶ୍ୱ ଏକାଦଶ ମଧ୍ୟରେ ତିନିମ୍ୟାଚ୍ ବିଶିଷ୍ଟ ଟି-୨୦ ସିରିଜ୍ ଆୟୋଜନ କରିବ। ଏହି ମ୍ୟାଚ୍ ପାଇଁ ବିସିବି ଏସିଆ ଏକାଦଶ ଟିମର ଘୋଷଣା କରିଛି, ଯେଉଁଥିରେ ସ୍ଥାନ ପାଇଛନ୍ତି ଟିମ୍ ଇଣ୍ଡିଆ ଅଧିନାୟମ ବିରାଟ୍ କୋହଲି। ବିସିସି କୋହଲିଙ୍କୁ ଏସିଆ ଏକାଦଶ ସ୍କ୍ୱାଡରେ ସାମିଲ୍ କରିଥିଲେ ହେଁ, ବିସିସିଆଇ ପକ୍ଷରୁ ଏପର୍ଯ୍ୟନ୍ତ ଆନୁଷ୍ଠାନିକ ଘୋଷଣା ହୋଇନାହିଁ। ଏହି ତିନୋଟି ଯାକ ମାର୍ଚ୍ଚ ୧୮ରୁ ୨୨ ତାରିଖ ପର୍ଯ୍ୟନ୍ତ ଖେଳାଯିବ।
ବାଂଲାଦେଶ ପକ୍ଷରୁ ଘୋଷଣା ହୋଇଥିବା ଏହି ଦଳରେ କୋହଲିଙ୍କ ବ୍ୟତୀତ ଏସିଆ ଏକାଦଶ ଟିମରେ ଭାରତର ଆଉ ପାଞ୍ଚଜଣ ଯଥା ଲୋକେଶ ରାହୁଲ୍, ଶିଖର ଧୱନ୍, ଋଷଭ ପନ୍ତ, କୁଲଦୀପ ଯାଦବ ଓ ମହମ୍ମଦ ଶାମି ସ୍ଥାନ ପାଇଛନ୍ତି।ଏସିଆ ଏକାଦଶ ଟିମରେ ବାଂଲାଦେଶର ଚାରିଜଣ, ଶ୍ରୀଲଙ୍କାର ଦୁଇଜଣ, ଆଫଗାନିସ୍ତାନର ଦୁଇଜଣ ଏବଂ ନେପାଳର ଜଣେ ଖେଳାଳି ସ୍ଥାନ ପାଇଛନ୍ତି। ତେବେ ଏସିଆ ଏକାଦଶ ଟିମରେ କୌଣସି ପାକିସ୍ତାନୀ ଖେଳାଳିଙ୍କୁ ସାମିଲ୍ କରାଯାଇନାହିଁ।
ଅନ୍ୟପକ୍ଷରେ ଦକ୍ଷିଣ ଆଫ୍ରିକାର ପୂର୍ବତନ କ୍ୟାପଟେନ୍ ଫାଫ୍ ଡୁପ୍ଲେସିସ୍ ବିଶ୍ୱ ଏକାଦଶ ଟିମର ନେତୃତ୍ୱ ନେବେ। ବିଶ୍ୱ ଏକାଦଶ ଟିମରେ ୱେଷ୍ଟଇଣ୍ଡିଜର ବିସ୍ଫୋରକ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍, ଇଂଲଣ୍ଡର ଜନ୍ନି ବେୟାରଷ୍ଟୋ, କାଇରନ୍ ପୋଲାର୍ଡଙ୍କ ଭଳି ଷ୍ଟାର୍ ଖେଳାଳି ସ୍ଥାନ ପାଇଛନ୍ତି।
ଏସିଆ ଏଦାକଶ: ଲୋକେଶ ରାହୁଲ୍, ଶିଖର ଧୱନ୍, ବିରାଟ୍ କୋହଲି, ଋଷଭ ପନ୍ତ, କୁଲଦୀପ ଯାଦବ, ମହମ୍ମଦ ଶାମି, ଥିସାରା ପରେରା, ଲସିଥ୍ ମାଲିଙ୍ଗା, ରଶିଦ୍ ଖାନ୍, ମୁଜୀବ-ଉର୍-ରେହମାନ୍, ମୁସ୍ତାଫିଜୁର୍ ରେହମାନ୍, ତମିମ୍ ଇକବାଲ୍, ମୁଶଫିକର ରହିମ୍, ଲିଟନ୍ ଦାସ, ସନ୍ଦୀପ ଲାମିଛାନେ।
ବିଶ୍ୱ ଏକାଦଶ: ଆଲେକ୍ସ ହେଲ୍ସ, କ୍ରିସ୍ ଗେଲ୍, ଫାଫ୍ ଡୁପ୍ଲେସିସ୍ (କ୍ୟାପଟେନ୍), ନିକୋଲାସ ପୁରନ୍, ବ୍ରେଣ୍ଡନ୍ ଟେଲର୍, ଜନ୍ନି ବେୟାରଷ୍ଟୋ, କାଇରନ୍ ପୋଲାର୍ଡ, ଆଦିଲ୍ ରଶିଦ୍, ଶେଲଡନ୍ କଟ୍ଟରେଲ୍, ଲୁଙ୍ଗି ଏନଗିଡି, ଆଣ୍ଡ୍ର୍ୟୁା ଟାଇ, ମିଚେଲ୍ ମ୍ୟାକକ୍ଲିନାଗନ।
Comments are closed.