ମୁମ୍ବାଇ : ବଲିଉଡ ଅଭିନେତା ଟାଇଗର୍ ଶ୍ରଫ୍ଙ୍କ ସିନେମା ‘ବାଗୀ ୩’ ଆସନ୍ତାକାଲି ସିନେ ପରାଦାକୁ ଆସିବ । ପୁଣିଥରେ ଦର୍ଶକ ଟାଇଗର୍ ଶ୍ରଫ୍ ଓ ଶ୍ରଦ୍ଧା କପୁରଙ୍କୁ ଏକାଠି ଦେଖିବାକୁ ପାଇବେ । ପୂର୍ବରୁ ସିନେମାର ଟ୍ରେଲର୍କୁ ଦର୍ଶକଙ୍କୁ ବହୁତ ପସନ୍ଦ ଆସିଥିଲା ।
ତେବେ ଟାଇଗରଙ୍କ ଦମ୍ଦାର୍ ଷ୍ଟଣ୍ଟ, ଫାଇଟ୍ ଓ ଶ୍ରଦ୍ଧାଙ୍କ ହଟ୍ ଅନ୍ଦାଜ ସହ ଦୁହିଁଙ୍କ କେମେଷ୍ଟ୍ରି ଦେଖିବାକୁ ଦର୍ଶକ ବେଶ୍ ଉତ୍ସାହିତ ଅଛନ୍ତି ।
ସିନେମା ସମୀକ୍ଷକ ତରଣ ଆଦର୍ଶ ଏହି ସିନେମାକୁ ନେଇ ଏକ ସାକ୍ଷାତକାରରେ କହିଥିଲେ ଯେ ହିଟ୍ ଫ୍ରାଞ୍ଚାଇଜ୍ ‘ବାଗୀ’ ଟାଇଗର୍ ଶ୍ରଫ୍ଙ୍କ ବ୍ରାଣ୍ଡରେ ଜଣାଶୁଣା । ତେବେ ‘ଏହି ସିନେମାଟି ହେଉଛି ‘ବାଗୀ’ ସିରିଜ୍ର ତୃତୀୟ ସିନେମା ।
ତେଣୁ ଏହା ‘ବାଗୀ’ ଓ ‘ବାଗୀ ୨’ ପରି ସୁପରହିଟ୍ ହେବ। ‘ବାଗୀ ୨’ ପ୍ରଥମ ଦିନରେ ପ୍ରାୟ ୨୫ କୋଟି ଟଙ୍କା ଅଧିକ କରିଥିଲା । ତେଣୁ ‘ବାଗୀ ୩’ ପ୍ରଥମ ଦିନରେ ୨୫ କୋଟିରୁ ଅଧିକ କରିବ ବୋଲି ସେ କହିଛନ୍ତି ।
ସିନେମାର ହିରୋ ରୋନି ସବୁଠୁ ଖତରନାକ୍ ମିଶନ୍ରେ ବାହାରିଛନ୍ତି । କାରଣ ତାଙ୍କ ମୁକାବିଲା କୌଣସି ଛୋଟମୋଟ ଭିଲେନ୍ ସହ ନୁହେଁ ପୂରା ଦେଶ ଓ ଆତଙ୍କବାଦ ସହ ରହିଛି ।
ତେବେ ସିନେମାରେ ଟାଇଗର ଓ ଶ୍ରଦ୍ଧାଙ୍କ ବ୍ୟତୀତ ରିତେଶ ଦେଶମୁଖ, ଅଙ୍କିତା ଲୋଖଣ୍ଡେ ଓ ଚଙ୍କି ପାଣ୍ଡେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଅହମଦ ଖାନ୍ ଏହାର ନିର୍ଦ୍ଦେଶନା ଦେଇଥିବାବେଳେ ସାଜିଦ୍ ନାଡିଆଦବାଲା ଏହାର ପ୍ରଯୋଜନା କରିଛନ୍ତି।
Comments are closed.