ସୋର: ବାଲେଶ୍ବର ଜିଲ୍ଲା ୧୬ନଂ ଜାତୀୟ ରାଜପଥ କଲେଜ ଛକ ନିକଟରେ ଦୁର୍ଘଟଣା ଘଟିଛି। ସଡ଼କ ଦୁର୍ଘଟଣାରେ ଜଣଙ୍କ ମୃତ୍ୟୁ ହୋଇଥିବା ବେଳେ ତିନିଜଣ ଗୁରୁତର ହୋଇଛନ୍ତି। ସମସ୍ତ ଗୁରୁତରଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି।
ମିଳିଥିବା ସୂଚନା ଅନୁସାରେ ସୋର ଥାନା ଗୋପିନାଥପୁରରୁ ବେତଡା ମେଳନ ପଡିଆକୁ ଦୋକାନ କରିବାକୁ ଯାଉଥିଲେ ଗୋଟିଏ ପରିବାର ଚାରି ସଦସ୍ୟ। କିନ୍ତୁ କଲେଜଛକ ନିକଟରେ ଏକ ଅଜଣା ଟ୍ରକ ପଛରୁ ଆସି ଧକ୍କା ଦେଇଥିଲା। ଯାହାଫଳରେ ଅଜା, ଆଇ, ନାତି ସମେତ ଅଟୋ ଡ୍ରାଇଭର୍ ଗୁରୁତ୍ତର ଆହାତ ହୋଇଥିଲେ। ସ୍ଥାନୀୟ ଲୋକ ଆହାତମାନଙ୍କୁ ଉଦ୍ଧାର କରି ସୋର ମେଡିକାଲରେ ଭର୍ତ୍ତି କରିଥିଲେ। ସେଠାରେ ଡାକ୍ତର ଜଣଙ୍କୁ ମୃତ୍ୟୁ ଘୋଷଣା କରିଛନ୍ତି। ମୃତକ ହେଉଛନ୍ତି ଅଜା ଗୋବିନ୍ଦ ବିନ୍ଧାଣି। ଆହାତ ଥିବା ଲୋକମାନେ ହେଉଛନ୍ତି ଆଇ ଭାମା ବିନ୍ଧାଣି, ନାତି ଦେବାଶିଷ ଓଝା ଓ ଅଟୋ ଡ୍ରାଇଭର୍। ସମସ୍ତଙ୍କୁ ମେଡିକାଲରେ ଚିକିତ୍ସା ଜାରି ରହିଛି।
Comments are closed.