ମୁମ୍ବାଇ : ସିରିଏଲ କୁଇନ ଏକତା କପୁରଙ୍କ ସବୁ ସିରିଏଲ ହିଟ ହୋଇଥାଏ । ତାଙ୍କ ସୁପରନ୍ୟାଚୁରାଲ୍ ନାଗିନ୍ ସିରିଜ୍ର ସବୁ ପାର୍ଟ ପରି ‘ନାଗୀନ୍ ୪’ ମଧ୍ୟ ଜବରଦସ୍ତ ହିଟ୍ ହୋଇଛି । ଏଥିରେ ନିର୍ମାତା ନୂଆନୂଆ ଷ୍ଟାରଙ୍କୁ ଏଣ୍ଟ୍ରି ଦେଇ ଶୋ’ର କାହାଣୀକୁ ଆହୁରି ମଜାଦାର କରୁଛନ୍ତି ।
ତେବେ ‘ବିଗ୍ ବସ୍ ୧୩’ର ପ୍ରତିଯୋଗୀ ତଥା ଟେଲି ଷ୍ଟାର୍ ରଶ୍ମି ଦେଶାଇଙ୍କ ଏଣ୍ଟ୍ରି ହୋଇଛି । ଏପରିକି ସିରିଏଲରୁ ରଶ୍ମିଙ୍କ ପ୍ରଥମ ଲୁକ୍ ସୋଶାଲ୍ ମିଡିଆରେ ଭାଇରାଲ୍ ହେଉଛି । ତାଙ୍କର ଏକ ଭିଡିଓ ଓ ଫଟୋ ଭାଇରାଲ୍ ହେଉଛି ।
https://www.instagram.com/p/B9gRMMfhjDy/
ଆଉ କୁହାଯାଉଛି ଯେ ଏହା ‘ନାଗୀନ୍ ୪’ର ଶୁଟିଂ ବେଳର ଦୃଶ୍ୟ। ତେବେ ଅବଶ୍ୟ ଏ ପର୍ଯ୍ୟନ୍ତ ଏକ୍ତା କି ରଶ୍ମି ଏ ନେଇ କୌଣସି ଘୋଷଣା କରିନାହାନ୍ତି । ଅନ୍ୟପକ୍ଷରେ ରଶ୍ମିଙ୍କ ପ୍ରଥମ ଲୁକ୍ ସାମ୍ନାକୁ ଆସିବା ପରେ ତାଙ୍କ ଫ୍ୟାନ୍ମାନେ ବେଶ୍ ଉତ୍ସାହିତ ଅଛନ୍ତି ।
କୁହାଯାଉଛି, ସେ ଶୋ’ରେ ନୟନତାରା (ଜସ୍ମିନ୍ ଭସିନ୍)ଙ୍କୁ ରିପ୍ଲେସ୍ କରିବେ। ତେବେ ସେ ନୟନତାରା ହୋଇ ଆସୁଛନ୍ତି କି କୌଣସି ନୂଆ କ୍ୟାରେକ୍ଟର ହୋଇ ଏଣ୍ଟ୍ରି କରୁଛନ୍ତି, ତାହା ଆଗାମୀ ଏପିସୋଡ୍ ଦେଖିଲେ ହିଁ ଜଣାପଡ଼ିବ ।
Comments are closed.