ନିଆଳି ମେଳଣ ବେଳେ ଦିବ୍ୟାଙ୍ଗ ନାବାଳିକାକୁ ଦୁଷ୍କର୍ମ ଅଭିଯୋଗ

ନିଆଳି: ନିଆଳି ଅଞ୍ଚଳ କସର୍ଦ୍ଦା ମେଳଣ ଯାତ୍ରା ବେଳେ ଜଣେ ଦିବ୍ୟାଙ୍ଗ ନାବାଳିକାକୁ ଦୁଷ୍କର୍ମ ହୋଇଥିବା ଅଭିଯୋଗ ଆସିଛି। ଏନେଇ ଥାନାରେ ଏତଲା ଦେବା ପରେ ପୁଲିସ ତଦନ୍ତ ଆରମ୍ଭ କରିଛି। ମାମଲାରେ ଜଣେ ଯୁବକଙ୍କୁ ଗିରଫ କରି ପୁଲିସ କୋର୍ଟ ଚାଲାଣ କରିଛି।
ସୂଚନାଯୋଗ୍ୟ ଯେ, ଗୁରୁବାର କସର୍ଦ୍ଦା ମେଳଣ ଯାତ୍ରା ଚାଲିଥିବା ବେଳେ ରାତ୍ରି ପ୍ରାୟ ୩ଟାରେ ଦିବ୍ୟାଙ୍ଗ ନାବାଳିକାଙ୍କୁ ଟଙ୍କା ପ୍ରଲୋଭନ ଦେଖାଇ ପତ୍ରକଣା ଗାଁର ଜଣେ ଯୁବକ ଦୁଷ୍କର୍ମ କରିଥିବା ଅଭିଯୋଗ ହୋଇଛି । କେବଳ ଏତିକି ନୁହେଁ ଅଭିଯୁକ୍ତ ମାଡ଼ ମାରି ନାବାଳିକାଙ୍କ ମୁହଁ ଓ ଆଖି ଫଟାଇଦେଇଥିଲେ। ତେବେ ନାବାଳିକାଙ୍କ ପାଟି ଶୁଣି ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଦୁଷ୍କର୍ମକାରୀଙ୍କୁ ଅଟକ ରଖିଥିଲେ।