ମୁମ୍ବାଇ : ବଲିଉଡ ସୁନ୍ଦରୀ ଉର୍ବଶୀ ରୌତେଲା ନିଜର ବୋଲ୍ଡ ଅନ୍ଦାଜ କିମ୍ବା ହଟ୍ ଡ୍ୟାନ୍ସ ପାଇଁ ଅନେକ ସମୟରେ ଚର୍ଚ୍ଚାରେ ରହିଥାନ୍ତି । ସେ ଅନେକ ସିନେମାରେ ଅଭିନୟ କରି ଦର୍ଶକଙ୍କ ମନ କିଣି ନେଇଛନ୍ତି ।
ତାଙ୍କ ଅଭିନୀତ ବହୁ ଚର୍ଚ୍ଚିତ ସିନେମା ‘ଭର୍ଜିନ ଭାନୁପ୍ରିୟା’ ରିଲିଜ୍ ଅପେକ୍ଷାରେ ରହିଛି। ସିନେମାର କାହାଣୀ ଏପରି ଜଣେ ଝିଅର ରହିଛି ଯାହାକୁ କୁମାରୀ ରହିବା ପାଇଁ ଭବିଷ୍ୟବାଣୀ ହେଉଛି । ଏହାକୁ ନେଇ ସେ ଚିନ୍ତାରେ ପଡ଼ିଯାଉଛନ୍ତି ।
ସିନେମାରେ ଏପରି ଏକ ଚରିତ୍ରକୁ ନେଇ ଉର୍ବଶୀ ବହୁତ ଉତ୍ସାହିତ ଅଛନ୍ତି । ଅନ୍ୟ ପ୍ରମୁଖ ଚରିତ୍ରରେ ଅଭିନୟ କରିଛନ୍ତି ଗୌତମ ଗୁଲାଟି, ଅର୍ଚ୍ଚନା ପୂରନ ସିଂହ, ଡେଲନାଜ ଇରାନୀ, ରାଜୀବ ଗୁପ୍ତା ଏବଂ ବିଜେନ୍ଦ୍ର କାଲା ।
୨ ବର୍ଷ ପୂର୍ବରୁ ଏହାର ଶୁଟିଂ କାର୍ଯ୍ୟ ଶେଷ ହୋଇଥିବା ବେଳେ ଆଗାମୀ ଜୁନ୍ ୧୨ରେ ଏହା ସିନେମା ରିଲିଜ୍ ହେବ ବୋଲି ଜଣାପଡ଼ିଛି । ସିନେମାକୁ ଜଣାଶୁଣା ନିର୍ମାତା ମହେନ୍ଦ୍ର ଧରିଓ୍ଵାଲା ନିର୍ମାଣ କରୁଛନ୍ତି । ଏହି ସିନେମା ଟିସିରିଜର ସିନେମମା ହେଟ ଷ୍ଟୋରୀ ୪ର ରିଲିଜ ହେବା ପରେ ହିଁ ଆରମ୍ଭ ହୋଇଥିଲା । ନିକଟରେ ଉର୍ବଶୀ ସିନେମା ପାଗଳପନ୍ଥୀରେ ନଜର ଆସିଥିଲେ।
Comments are closed.