ମୁମ୍ବାଇ : କରୋନାର ପ୍ରକୋପ ସାରା ବିଶ୍ବରେ ଦେଖିବାକୁ ମିଳୁଛି । ଏହାର ପ୍ରଭାବ ବଲିଉଡ ଇଣ୍ଡଇଣ୍ଡଷ୍ଟ୍ରୀ ଉପରେ ବି ପଡ଼ିଛି। ବଲିଉଡର ଅନେକ ସିନେମାର ରିଲିଜକୁ ସ୍ଥଗିତ ମଧ୍ୟ କରାଯାଇଛି । ଏହା ବ୍ୟତୀତ ସଲ୍ମାନ୍, ରଣବୀର୍ କପୁର, ରଣବୀର ସିଂହ, ଦୀପିକା ପାଦୁକୋନ୍, ଆଲିଆ ଭଟ୍ଟ ଓ ଶାହାରୁଖ ଖାନ୍ଙ୍କ ଭଳି ଅନେକ ବଡ଼ ବଡ଼ ଫିଲ୍ମଷ୍ଟାର୍ମାନେ ନିଜ ଫିଲ୍ମର ଶୁଟିଂକୁ ମଧ୍ୟ ବନ୍ଦ କରି ଦେଇଛନ୍ତି ।
ଏହାର ପ୍ରଭାବ ଟେଲିଭିଜନ ଇଣ୍ଡଷ୍ଟ୍ରିରେ ମଧ୍ୟ ଦେଖିବାକୁ ମିଳିଛି । ସୂଚନା ଅନୁଯାୟୀ, ଗତ ଶୁକ୍ରବାର ଟେଲି ଇଣ୍ଡଷ୍ଟ୍ରିର ନିର୍ମାତାମାନେ ଚ୍ୟାନେଲ୍ ଗୁଡ଼ିକ ସହ ଏକ ବୈଠକ କରିଥିଲେ। ଏଥିରେ ଶୁଟିଂ ବନ୍ଦ କରିବା ବିଷୟରେ ଆଲୋଚନା ହୋଇଥିଲା । କିନ୍ତୁ ଏବେ ଯାଏ କୌଣସି ନିଷ୍ପତ୍ତି ନିଆଯାଇନାହିଁ ।
ଏ ନେଇ ଆଉଥରେ ବୈଠକ ବସିବ ଓ ସେଥିରେ ସିରିଏଲ୍ ଗୁଡ଼ିକର ଶୁଟିଂ ବନ୍ଦ ହେବ କି ନାହିଁ, ସେ ବିଷୟରେ ନିଷ୍ପତ୍ତି ହେବ ବୋଲି ସୂଚନା ମିଳିଛି । ଫେଡରେଶନ୍ ଅଫ୍ ୱେଷ୍ଟର୍ନ ମଡିଆ ସିନେ ଏମ୍ପ୍ଲଇଜ୍ ନିଜର ୫ ଲକ୍ଷ ସଦସ୍ୟଙ୍କ ସୁରକ୍ଷାକୁ ଦୃଷ୍ଟିରେ ରଖି କିଛି ଦିନ ପାଇଁ ସିନେମା ଓ ଟେଲିଭିଜନ୍ ଶୋ’ଗୁଡ଼ିକର ଶୁଟିଂ ବନ୍ଦ କରିବା ନେଇ ବିଚାର କରୁଛି।
Comments are closed.