କରୋନା ଭୟରେ ଲଣ୍ଡନରୁ ଭାରତ ଫେରିଲେ ଏହି ଅଭିନେତ୍ରୀ

ମୁମ୍ବାଇ : କରୋନା ଭାଇରସ ସମସ୍ତଙ୍କ ମନରେ ଭୟ ସୃଷ୍ଟି କରି ସାରିଲାଣି । ସରକାର ଏଥି ପ୍ରତି ଅନେକ ବ୍ୟବସ୍ଥା ମଧ୍ୟ କରିଛନ୍ତି । ଏହାର ଛାପ ବଲିଉଡରେ ମଧ୍ୟ ଦେଖିବାକୁ ମିଳିଛି । ବାହାରକୁ ଶୁଟିଂରେ ନଯାଇ ସୋଶାଲ ମିଡିଆ ଜରିଆରେ ସେଲେବ୍ରିଟିମାନେ ଲୋକଙ୍କୁ ସଚେତନତା ବାର୍ତ୍ତା ଦେଉଥିବା ଦେଖିବାକୁ ମିଳୁଛି ।  କରୋନା ଭୟରେ ଲଣ୍ଡନରେ ଥିବା ସୋନମ୍‌ କପୁର ସ୍ୱାମୀ ଆନନ୍ଦ ଆହୁଜାଙ୍କ ସହିତ ଭାରତ ଫେରି ଆସିଛନ୍ତି।

https://www.instagram.com/p/B91HyuBBB5I/

ସୋଶାଲ ମିଡିଆରେ ମାସ୍କ ପିନ୍ଧି ଏକ ଫଟୋ ଓ ଭିଡିଓ ଶେଆର୍‌ କରି ସେ କହିଛନ୍ତି, ‘ସ୍ୱାମୀଙ୍କ ସହିତ ମୁଁ ଲଣ୍ଡନରୁ ଭାରତ ଫେରିଆସିଛି। ଏପରି ପରିସ୍ଥିତିରେ ମୁଁ ଘରକୁ ନଆସି ରହିପାରିଲି ନାହିଁ। ସମସ୍ତଙ୍କୁ ମୋର ଭଲ ପାଇବା ଜଣାଉଛି।’

https://www.instagram.com/p/B91VDJshvay/

ସେହିପରି ଅନ୍ୟ ଏକ ଫଟୋରେ ସୋନମ୍‌ ସ୍ୱାମୀଙ୍କ ସହିତ ପ୍ଲେନ୍‌ରେ ବସିଥିବା ଦେଖାଯାଇଛି। ଲଣ୍ଡନରୁ ଫେରିବା ପରେ ସୋନମ୍‌ ଓ ତାଙ୍କ ସ୍ୱାମୀଙ୍କର ଏୟାରପୋର୍ଟ ଅଥରିଟିଙ୍କ ପକ୍ଷରୁ କରୋନା ଭାଇଇସ୍‌ ନେଇ ସମସ୍ତ ପ୍ରକାର ପରୀକ୍ଷା କରିଥିଲେ । ଦୁହିଁଙ୍କଠାରୁ କରୋନା ସମ୍ପର୍କିତ କୌଣସି ଲକ୍ଷଣ ମିଳିନଥିଲା ।