ବାଙ୍କୀ: କଟକ ରେଲଓ୍ବେ ଷ୍ଟେସନ ପୋଲିସକୁ ମିଳିଛି ବଡ଼ ସଫଳତା। ବାଙ୍କୀ ଖଜୁରୀପଦା ନୂଆଙ୍ଗା ଡବଲ ମର୍ଡର ଘଟଣାରେ ମୁଖ୍ୟ ଅଭିଯୁକ୍ତ ଭ୍ରମରବର ପ୍ରଧାନ ଗିରଫ ହୋଇଛି। ଫଳରେ ବାଙ୍କୀ ଡବଲ୍ ମର୍ଡର ଘଟଣାରେ ଗିରଫ ବ୍ୟକ୍ତିଙ୍କ ସଂଖ୍ୟା ୧୧କୁ ବୃଦ୍ଧି ପାଇଛି।
ମିଳିଥିବା ସୂଚନା ଅନୁସାରେ, ଗତ ଫେବୃଆରୀ ମାସ ୧୫ ତାରିଖ ଦିନ ଦ୍ବିପ୍ରହରରେ ଘଟିଥିଲା ଜଘନ୍ୟ ହତ୍ୟାକାଣ୍ଡ। ବାଙ୍କୀ ଥାନା ଜୋକଲାଞ୍ଜିଠାରେ ସଂଘବଦ୍ଧ ଭାବେ ଆକ୍ରମଣରେ ଖଜୁରୀପଦାର ଭଗବାନ ସ୍ବାଇଁ ଓ ସାମ୍ବାଦିକ ଆଦିତ୍ୟ କୁମାର ରଣସିଂଙ୍କ ମୃତ୍ୟୁ ହୋଇଥିଲା।
ଘଟଣାକୁ ଏକ ମାସରୁ ଅଧିକ ହୋଇଯାଇଥିବା ବେଳେ ଆଜି ମୁଖ୍ୟ ଅଭିଯୁକ୍ତକୁ ପୋଲିସ ଗିରଫ କରିଛି। ମଙ୍ଗଳବାର ଦିନ ଦୁଇ ଜଣ ଗିରଫ ହୋଇଥିବାବେଳେ ଏପର୍ଯ୍ୟନ୍ତ ମୋଟ୍ ୧୧ ଜଣ ଅଭିଯୁକ୍ତ ଗିରଫ ହୋଇଛନ୍ତି। ଅନ୍ୟ ଅଭିଯୁକ୍ତମାନଙ୍କୁ ଖୁବ୍ ଶୀଘ୍ର ଧରିବାକୁ ପ୍ରୟାସ ଜାରି ରହିଛି ବୋଲି ବାଙ୍କୀ ଏସଡିପିଓ କହିଛନ୍ତି । ଘଟଣାରେ ମୁଖ୍ୟ ଅଭିଯୁକ୍ତ ସହ ମୋଟ୍ ୨୦ ଜଣଙ୍କ ନାଁରେ ଅଭିଯୋଗ ରହିଛି।
Comments are closed.