ଭୁବନେଶ୍ବର: ଆଜି ଗୋଟିଏ ଦିନରେ ରାଜ୍ୟରେ ସର୍ବାଧିକ ୮୩ ଜଣ ବ୍ୟକ୍ତିଙ୍କ ଠାରେ କରୋନା ପଜିଟିଭ୍ ଚିହ୍ନଟ ହୋଇଛି। ଏମାନଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩୭୭ରେ ପହଞ୍ଚିଛି। ଏମାନଙ୍କ ମଧ୍ୟରୁ ୬୮ ଜଣ ସୁସ୍ଥ ହୋଇଥିବା ବେଳେ ୩ ଜଣଙ୍କର ମୃତ୍ୟୁ ହୋଇଛି। ବାକି ୩୦୬ ଜଣ ରାଜ୍ୟର ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଛନ୍ତି।
ଆଜି ସକାଳେ ରାଜ୍ୟରେ ୫୮ ଜଣ ପଜିଟିଭ୍ ଚିହ୍ନଟ ହୋଇଥିବା ବେଳେ ସଂଧ୍ୟା ସୁଦ୍ଧା ଆଉ ୨୫ ଜଣ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରେ ଗଞ୍ଜାମରେ ୩୬, ମୟୂରଭଞ୍ଜରେ ୧, ବାଲେଶ୍ବରରେ ୧୫, ଅନୁଗୁଳରେ ୧୫, ଯାଜପୁରରେ ୫, ଭଦ୍ରକରେ ୬, ବୌଦ୍ଧରେ ୩ ଓ ପୁରୀରେ ୨ ଜଣ ଚିହ୍ନଟ ହୋଇଛନ୍ତି। ଆଜି ଚିହ୍ନଟ ହୋଇଥିବା ୮୩ ଜଣଙ୍କ ମଧ୍ୟରୁ ୬୧ ଜଣ ଗୁଜରାଟରୁ, ୫ ଜଣ କର୍ଣାଟକରୁ, ଜଣେ ମହାରାଷ୍ଟ୍ରରୁ ଓ ୧୩ ଜଣ ପଶ୍ଚିମବଙ୍ଗ ଫେରନ୍ତା।
Comments are closed.