ନୂଆଦିଲ୍ଲୀ: କିଛିଦିନ ହେବ ଭାରତ ଓ ଚାଇନା ବର୍ଡରେ ତିକ୍ତିତା ଦେଖିବାକୁ ମିଳିଛି। ଳଦାଖ ସ୍ଥିତ ଏଲଏସି ନିକଟରେ ତିକ୍ତତା ବୃଦ୍ଧି ପାଇବାରେ ଲାଗିଛି। ଏସବୁ ଭିତରେ ସ୍ଥଳସେନା ମୁଖ୍ୟ ଜେନେରାଲ ଏମଏମ ନରଭାଣେ ଲେହ ଗସ୍ତ କରିଛନ୍ତି। ସେଠାରେ ସେ ଫିଲ୍ଡ କମାଣ୍ଡରମାନଙ୍କ ସହ ସୁରକ୍ଷା ସ୍ଥିତିର ସମୀକ୍ଷା କରିଛନ୍ତି। ଉତ୍ତର ସିକ୍କିମରୁ ମଧ୍ୟ ସମାନ ଘଟଣା ସାମ୍ନାକୁ ଆସିଛି। ଏସବୁ ଦୃଷ୍ଟିରେ ରଖି ଜେନେରାଲ ନରଭାଣେ ଲେହ ଗସ୍ତ କରିଥିବା କୁହାଯାଉଛି।
ଲେହରେ ଥିବା ବରିଷ୍ଠ ଫିଲ୍ଡ କମାଣ୍ଡରମାନଙ୍କ ସହ ନର୍ଦନ ଆର୍ମି କମାଣ୍ଡର ଲିଟ୍ୟୁନାଣ୍ଟ ଜେନେରାଲ ୱାଇକେ ଯୋଶୀ ଓ ୧୪ କ୍ରପ୍ସ ମୁଖ୍ୟ ଲିଟ୍ୟୁନାଣ୍ଟ ଜେନେରାଲ ହରିନ୍ଦର ସିଂହ ସେନାଧ୍ୟକ୍ଷଙ୍କୁ ସୁରକ୍ଷା ସ୍ଥିତି ସମ୍ବନ୍ଧରେ ସମସ୍ତ ତଥ୍ୟ ଦେଇଛନ୍ତି।
ନିକଟରେ ଚାଇନା ପକ୍ଷରୁ ଅନେକ ଥର ସ୍ଥଳ ପଥରେ ଓ ଆକାଶ ପଥରେ ଭାରତୀୟ ସୀମାକୁ ପ୍ରବେଶ ପାଇଁ ଉଦ୍ୟମ ହୋଇଛି। ଏଥିପାଇଁ ଚାଇନା ଓ ଭାରତୀୟ ସେନା ମୁହାଁମୁହିଁ ମଧ୍ୟ ହୋଇଥିଲେ। ଇଷ୍ଟର୍ଣ୍ଣ ଲଦାଖର ପାନଗୋଙ୍ଗ ଲେକ ନିକଟରେ ମଧ୍ୟ ଭାରତ ଓ ଚାଇନା ସେନା ମଧ୍ୟରେ ମାରପିଟ ହୋଇଥିଲା।
Comments are closed.