ଭୁବନେଶ୍ବର: ରାଜ୍ୟରେ ଦିନକୁ ଦିନ ବଢ଼ି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା। ରାଜ୍ୟରେ ଆଜି ସକାଳୁ ପୁଣି ଆଉ ୭୯ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି। ଫଳରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୧୫୧୭ରେ ପହଁଞ୍ଚିଛି। ଏଥିସହିତ ଆଜି ନୂଆକରି ସୋନପୁର ଜିଲ୍ଲାକୁ କରୋନା ବ୍ୟାପିଛି। ଫଳରେ ରାଜ୍ୟରେ ରାୟଗଡ଼ା ଜିଲ୍ଲା ବ୍ୟତିତ ୨୯ ଜିଲ୍ଲାକୁ କରୋନା ସଂକ୍ରମଣ ବ୍ୟାପିଛି।
ଆଜି ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମରୁ ୫ ଜଣ, ଯାଜପୁରରୁ ୨ ଜଣ, ବାଲେଶ୍ବରରୁ ୪ଜଣ, ଖୋର୍ଦ୍ଧା ୪ଜଣ, ପୁରୀରୁ ୪ଜଣ, କଟକରୁ ୧୬ ଜଣ, କେନ୍ଦ୍ରାପଡ଼ାରୁ ୬ଜଣ, ନୟାଗଡ଼ରୁୁ ୩ଜଣ, ବଲାଙ୍ଗୀରରୁ ୧୪ ଜଣ, ଅନୁଗୁଲରୁ ଜଣେ, କେନ୍ଦୁଝରରୁ ୮ଜଣ, କନ୍ଧମାଳରୁ ୭ଜଣ, ଢେଙ୍କାନାଳରୁ ୩ ଜଣ, ଝାରସୁଗୁଡ଼ାରୁ ଜଣେ ଏବଂ ପ୍ରଥମ କରି ସୋନପୁର ଜିଲ୍ଲାରୁ ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।
ରାଜ୍ୟରେ ବର୍ତ୍ତମାନ ମୋଟ ୧୫୧୭ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମଧ୍ୟରୁ ୭ଜଣଙ୍କର ମୃତ୍ୟୁ ହୋଇଥିବା ବେଳେ ୬୪୯ ଜଣ ଆକ୍ରାନ୍ତ ସୁସ୍ଥ ହୋଇଛନ୍ତି। ୮୬୧ ଜଣ ଆକ୍ରାନ୍ତ ରାଜ୍ୟର ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଛନ୍ତି।
Comments are closed.