ଭୁବନେଶ୍ବର: ଆଜି ଭୁବନେଶ୍ବର ଓ କଟକ ଡିସିିପି ଭାବେ ଉମାଶଙ୍କର ଦାସ ଏବଂ ପ୍ରତୀକ ସିଂହ ଦ୍ବାୟିତ୍ବ ଗ୍ରହଣ କରିଛନ୍ତି। ଭୁବନେଶ୍ଵର ଡିସିପି ଥିବା ଅନୁପ ସାହୁଙ୍କ ସ୍ଥାନରେ ପୁରୀ ଏସପି ଉମାଶଙ୍କର ଦାସଙ୍କୁ ନିଯୁକ୍ତ କରାଯାଇଥିବାବେଳେ କଟକ ଡିସିପି ଅଖିଳେଶ୍ଵର ସିଂହଙ୍କ ସ୍ଥାନରେ ପ୍ରତୀକ ସିଂହଙ୍କୁ ଦାୟିତ୍ଵ ଦିଆଯାଇଛି। ପୋଲିସ୍ ସେବା ଭବନରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଦାୟିତ୍ବ ଗ୍ରହଣ କାର୍ଯ୍ୟକ୍ରମରେ ପୁଲିସ୍ କମିଶନର ସୁଧାଂଶୁ ଷଡ଼ଙ୍ଗୀ ଉପସ୍ଥିତ ଥିଲେ।
ଭୁବନେଶ୍ୱରର ଡିସିପି ଭାବେ ଦାୟିତ୍ୱ ଗ୍ରହଣ କରିବା ପରେ ଉମାଶଙ୍କର ପ୍ରତିକ୍ରିୟା ରଖି କହିଛନ୍ତି କରୋନା ମୁକାବିଲା ଆମ ପାଇଁ ପ୍ରଥମ ଦାୟିତ୍ୱ । ପୋଲିସ ଭାଇ, ଭଉଣୀଙ୍କୁ କୋଭିଡ଼ରୁ ସୁରକ୍ଷା ଦେବା ଆମ ପାଇଁ ଏକ ବଡ଼ ଚାଲେଞ୍ଜ । କମିସନରେଟ ଟିମରେ ସାମିଲ ହୋଇଥିବାରୁ ସେ ଧନ୍ୟବାଦ ମଧ୍ୟ ଜଣାଇଛନ୍ତି ।
ଅନୁପ ସାହୁଙ୍କୁ ଗୁଇନ୍ଦା ବିଭାଗ ଡିଆଇଜି ଭାବେ ନିଯୁକ୍ତି ଦିଆଯାଇଛି। ସେହିପରି କଟକ ଡିସିପି ଥିବା ଅଖିଳେଶ୍ଵର ସିଂହଙ୍କୁ ପୁରୀ ଏସପି ଭାବେ ନିଯୁକ୍ତ କରାଯାଇଛି। ସୂଚନାଥାଉକି, ଜୁଲାଇ ୧୪ରେ ରାଜ୍ୟ ସରକାର ଆଇପିଏସ୍ ସ୍ତରରେ ବଡ଼ ଧରଣର ଅଦଳବଦଳ କରିଥିଲେ।
Comments are closed.