ବଡ଼ ଖବର: ରାଜ୍ୟରେ ୧୦୦ ଡେଇଁଲା ମୃତ୍ୟୁ ସଂଖ୍ୟା

ଭୁବନେଶ୍ବର: ରାଜ୍ୟରେ ଦିନକୁ ଦିନ ବେକାବୁ ହେୁଛି କରୋନା ସଂକ୍ରମଣ। ଏଥିସହ ରାଜ୍ୟର ଦିନକୁ ଦିନ କରୋନା ଜନିତ ମୃତ୍ୟୁସଂଖ୍ୟା ବଢ଼ିବାରେ ଲାଗିଛି। ଆଜି ରାଜ୍ୟରେ ୬ଜଣଙ୍କର କରୋନା ଜନିତ ମୃତ୍ୟୁ ହୋଇଛି। ଫଲରେ ରାଜ୍ୟରେ କରୋନା ମୃତ୍ୟ ସଂଖ୍ୟା ୧୦୦ ଟପିଛି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।

ଆଜି ମୃତ୍ୟୁବରଣ କରିଥିବା ଆକ୍ରାନ୍ତଙ୍କ ମଧ୍ୟରେ କେନ୍ଦ୍ରାପଡ଼ାର ଜଣେ ୬୩ ବର୍ଷିୟ ଅଛନ୍ତି। ସେ କରୋନା ସଂକ୍ରମିତ ହୋଇଥିବା ସହ ଡାଇବେଟିସ୍‌, ଉକ୍ତ ରକ୍ତଚାପ ଭଳି ରୋଗରେ ପିଡ଼ିତ ଥିଲେ। କଟକର ଜଣେ ୨୬ ବର୍ଷୀୟା ମହିଳାଙ୍କର ମୃତ୍ୟୁ ହୋଇଛି। ସେ ମଧ୍ୟ ଡାଇବେଟିସ୍‌ ଓ ରକ୍ତଚାପ ଭଳି ରୋଗରେ ପୀଡ଼ିତ ଥିଲେ। ସେହପିରି ଗଜପତିରୁ ଜଣେ ୬୮ ବର୍ଷୀୟ ପୁରୁଷଙ୍କର ମୃତ୍ୟୁ ହୋିଛି।

ଜଗତସିଂହପୁରରୁ ଜଣେ ୫୮ ବର୍ଷୀୟ ପୁରୁଷଙ୍କ ଦେହାନ୍ତ ହୋଇଥିବା ବେଳେ ଖୋର୍ଦ୍ଧାରୁ ଜଣେ ୭୫ ବର୍ଷୀୟ ବୃଦ୍ଧଙ୍କର ମୃତ୍ୟୁ ହୋଇଛି। ଏଥିସହ ରାୟଗଡ଼ାର ଜଣେ ୭୪ ବର୍ଷୀୟ ବୃଦ୍ଧଙ୍କ ମୃତ୍ୟୁ ହୋଇଛି।

ରାଜ୍ୟରେ ବର୍ତ୍ତମାନ କରୋନା ଜନିତ ମୃତ୍ୟୁ ସଂଖ୍ୟା ୧୦୩ରେ ପହଁଞ୍ଚିଛି। ଅନ୍ୟ କାରଣରୁ ୩୦ ଜଣଙ୍କର ମଧ୍ୟ ମୃତ୍ୟୁ ହୋଇଛି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।

2. A 26-year old female of Cuttack district who was also suffering from Diabetes and Hypertension.

3. A 68-year old Male of Gajapati district who was also suffering from Diabetes and Hypertension.

— H & FW Dept Odisha (@HFWOdisha) July 21, 2020