ଭୁବନେଶ୍ବର: ରାଜ୍ୟରେ ଦିନକୁ ଦିନ ବେକାବୁ ହେଉଛି କରୋନା ସଂକ୍ରମଣ। କ୍ରମାଗତ ଭାବେ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଏପରିକି ରାଜ୍ୟର ଗଞ୍ଜାମ ଜିଲ୍ଲାରେ କରୋନା ସଂକ୍ରମଣ ଅଧିକ। ଅପରପକ୍ଷେ ରାଜ୍ୟରେ ସୁସ୍ଥ ଆକ୍ରାନ୍ତଙ୍କ ସଂଖ୍ୟା ବଢ଼ିବାରେ ଲାଗିଛି। ଏସବୁ ମଧ୍ୟରେ ରାଜ୍ୟର ଜଣେ ୯୫ ବର୍ଷୀୟ ବୃଦ୍ଧ କରୋନାକୁ ମାତ୍ ଦେଇଛନ୍ତି। ଯାହାଫଳରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଗଞ୍ଜାମ ଜିଲ୍ଲା ପ୍ରଶାସନ ଶୁଭେଚ୍ଛା ଜଣାଇଛି।
ସୁସ୍ଥ ହୋଇଥିବା ବ୍ୟକ୍ତି ଜଣକ ହେଉଛନ୍ତି ଗଞ୍ଜାମ ଜିଲ୍ଲାର ସୋରଡ଼ା ବ୍ଲକ ଚାକୁଣ୍ଡା ଗାଁର ୯୫ ବର୍ଷୀୟ ଉଦୟନାଥ ବିଷୋୟୀ। କରୋନାରେ ଆକ୍ରାନ୍ତ ହୋଇ ଟାଟା ହସ୍ପିଟାଲରେ ଚିକିତ୍ସାଧୀନ ଥିବା ବେଳେ ଗତ ୧୮ ତାରିଖରେ ସମ୍ପୂର୍ଣ୍ଣ ସୁସ୍ଥ ହୋଇ ସେ ଘରକୁ ଫେରିଛନ୍ତି। ଏବେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି। ଉଦୟନାଥ ସୁସ୍ଥ ହେବା ନେଇ ଗଞ୍ଜାମ ଜିଲ୍ଲାପାଳ ଟ୍ୱିଟ କରି ସୂଚନା ଦେଇଛନ୍ତି।
କେବଳ ଉଦୟନାଥ ନୁହନ୍ତି, କିଛିଦିନ ତଳେ କେନ୍ଦ୍ରାପଡ଼ାର ୮୫ ବର୍ଷୀୟ ସୁରେନ୍ଦ୍ର ପତି ଓ ତାଙ୍କ ପତ୍ନୀ ୭୮ ବର୍ଷୀୟ ସାବିତ୍ରୀ ପତି କରୋନାକୁ ହରାଇ ସୁସ୍ଥ ହୋଇ ଫେରିଥିଲେ। ଏହାପୂର୍ବରୁ ସୁସ୍ଥ ହୋଇ ଘରକୁ ଫେରିଥିଲେ ୮୧ ବର୍ଷୀୟ ଗୋପୀନାଥ ଡାକୁଆ । ଗୋପୀନାଥଙ୍କ ଘର କନ୍ଧମାଳ ଜିଲ୍ଲା ରାଇକିଆରେ। କରୋନା ଭୂତାଣୁ ଚିହ୍ନଟ ହେବା ପରେ ସେ ସୁସ୍ଥ ହେବା ନେଇ ପରିବାର ଲୋକେ ଆଶା ଛାଡ଼ି ଦେଇଥିଲେ। ହେଲେ କରୋନାକୁ ହରାଇ ଏହି ଯୁଦ୍ଧ ଜିତିଗଲେ ଗୋପୀନାଥ ଡାକୁଆ।
Congratulations to nonagenarian Udayanath Bisoyi from Ganjam district on successfully winning the battle against #COVID19. Your win will inspire others to stay strong as #Odisha fights this pandemic.#OdishaFightsCorona https://t.co/mBRBvw5zp3
— CMO Odisha (@CMO_Odisha) July 21, 2020
Comments are closed.